DSMF: Yanvar-iyul ayları ərzində məcburi dövlət sosial sığorta üzrə daxilolmalar 2 faiz artıb
Bu ilin yanvar-iyul ayları ərzində məcburi dövlət sosial sığorta haqları üzrə daxilolmalarda proqnoza nisbətdə 64,6 milyon manat və ya 2 faiz artım qeydə alınıb.
Bu barədə AZƏRTAC-a Dövlət Sosial Müdafiə Fondunun mətbuat xidmətindən məlumat verilib.
Qeyd edilib ki, büdcə təşkilatları üzrə daxilolma ötən ilin müvafiq dövrü ilə müqayisədə 79,3 milyon manat və ya 7,5 faiz, qeyri-büdcə təşkilatları üzrə isə 220,1 milyon manat və ya 11,4 faiz artımla olub.
