Çin Xalq Bankı bir illik kreditlər üzrə əsas faiz dərəcəsini (LPR) illik 3,35 faiz səviyyəsində saxlayıb.
ARANTV.AZ xəbər verir ki, Bank beş illik kreditlər üzrə faiz dərəcəsini də 3,85 faiz səviyyəsindən dəyişməyib.
“Trading Economics”in xəbərinə görə, analitiklər də onların dəyişəcəyini gözləmirdilər. Hər iki faiz dərəcəsi rekord aşağı səviyyədədir. Çin Xalq Bankı sonuncu dəfə iyul ayında onları gözlənilmədən 10 baza bəndi aşağı salaraq dəyişib.
LPR 2019-cu ilin avqustunda Çin Mərkəzi Bankı faiz dərəcəsi islahatını həyata keçirdikdən sonra meyar olub. 2020-ci ildən başlayaraq ÇMB banklardan yeni kreditlər üzrə dərəcələri müəyyən edərkən xüsusi olaraq LPR-ə diqqət yetirməyi tələb edir. Beş illik dərəcə birbaşa ipoteka kreditlərinin dəyərinə, 1 illik – bütün digərlərinə təsir göstərir.
