Aşağı Mollu kənd tam orta məktəbində Qubadlı Şəhəri Günü – FOTO
Oktyabrın 24-də Qubadlı rayon İsa Məmmədov adına Aşağı Mollu kənd tam orta məktəbində 25 oktyabr Qubadlının işğaldan azad olunmasına həsr olunmuş “Şəhər Günü” təntənəli şəkildə qeyd olunub.
ARANTV.AZ xəbər verir ki, tədbirdə məktəbin pedaqoji heyəti, şagirdlər, şəhid ailələri və valideynlər iştirak edib.
Tədbirdə Azərbaycan Respublikasının Dövlət Himni səsləndirildikdən sonra, vətən uğrunda gedən döyüşlərdə qəhrəmancasına həlak olmuş Şəhidlərin əziz xatirəsi ehtiramla yad edilib.
Mərasimdə məktəbin direktoru Allahverən Allahverdiyev, tarix müəllimi Ramin Heydərov, digər müəllimlər və tədbirə dəvət almış şəhid ailələrinin yaxınları çıxış ediblər.
Tədbirdə Qubadlı şəhərinin tarixi, xalq qəhrəmanları, Vətən Müharibəsi qəhrəmanları, tarixi şəxsiyyətlər və ziyalıları haqqında məlumat verilib.
Tədbir şagirdlərin hazırladığı ədəbi -bədii hissə ilə sona çatıb.
