Həftə ərzində Günəşdə ikinci güclü parlayış: Maqnit qasırğası TƏHLÜKƏSİ var
Günəşdə böyük və uzunmüddətli partlayış baş verib, buna görə də Yerdə maqnit qasırğası ehtimalı var.
Lent.az bildirir ki, bu barədə “The Watchers” xəbər verir.
Nəşrin məlumatına görə, hadisə UTC vaxtı ilə 05:57-də (Bakı vaxtı ilə 09:57 – red.) başlayıb və UTC vaxtı ilə 08:56-da (Bakı vaxtı ilə 11:56) başa çatıb. Partlayış zamanı böyük bir tac kütləsi atılıb.
Partlayışın X1.8 sinfinə aid olduğu bildirilir. Belə partlayışlar super güclü hesab olunur və planetimizdə güclü maqnit qasırğalarına səbəb ola bilər.
Xoşbəxtlikdən, hesablamalar göstərir ki, tac kütləsinin atılmasının çox hissəsi Yerdən uzaqlaşacaq, lakin bəziləri hələ də bizə tərəf gələ bilər.
Bu, son günlərdə ikinci X sinifli günəş partmasıdır. Əvvəlki hadisə oktyabrın 24-də baş verib.
Oktyabrın 28-dək günəş aktivliyinin mülayim, X sinfində alovlanma ehtimalının az olacağı proqnozlaşdırılır.
