Azərbaycana gələn turistlər bu halda cərimə olunurlar
Azərbaycan ərazisində 15 gündən çox qalan turistlər Miqrasiya Xidmətində qeydiyyatdan keçmədikdə cərimə olunurlar. Lakin bəzən turistlər bu haqda məlumatsız olurlar və bu barədə onlara məlumat verilmədiyini deyirlər.
Turizm üzrə ekspert Ceyhun Aşurov BiG.AZ-a bildirib ki, bununla bağlı kifayət qədər xəbərdarlıq edilir. Məlumat verilməməsi mümkün deyil. Bəzən turistlər buna diqqət etrmirlər:
“Azərbaycanda 15 gündən artıq qalan turist və ya əcnəbilər mütləq Miqrasiya Xidmətində qeydiyyatdan keçməlidir. Ölkəyə gələrkən bu barədə Sərhəd Xidmətində və ya təyyarədə bildirilir. Oteldə qalarsa, orada bildirilir. Bəzən səhlənkarlıq və ya yaddan çıxma nəticəsində bu çətinliklə üzləşirlər və bunun cəriməsini ödəmək məcburiyyətində qalırlar. Cəriməsi 400 manatdır. Bununla bağlı kifayət qədər xəbərdarlıq edilir. Məlumat verilməməsi mümkün deyil. Təyyarədə belə anons verilir. Bəzən turistlər buna diqqət etrmirlər”.
