“Facebook”-un “Android” ekosistemi üçün ən son yenilənməsi tətbiqdə çox ciddi problem yaradıb.
ARANTV.AZ Trend-ə istinadən xəbər verir ki, yeniləmədəki səhv “Facebook” istifadəçilərinin profillərinə daxil olduqları bütün insanlara avtomatik olaraq dostluq sorğusu göndərməsinə səbəb olub. Mövzu ilə bağlı “Facebook”-dan açıqlama gəlib.
“Facebook”-un sözçüsü məlumat verib:
“Bəzi “Facebook” dostluq sorğularının səhv göndərilməsinə səbəb olan ən son proqram yeniləməsi ilə bağlı səhvi düzəltdik. Bunun səbəb ola biləcəyi narahatlığa görə üzr istəyirik”.
