Qudurmuş itlərə bənzəyən ermənilər…

Onlar marığa yatıb tarix boyu qoltuğuna sığındıqları Rusiyanın parçalanmasını gözləyirlər

Ermənistanın baş naziri vəzifəsini icra edən Nikol Paşinyan bir neçə gün əvvəl hökumətin iclasında Azərbaycana qarşı ittihamlar səsləndirərkən Rusiyadan da narazılığını ifadə edən üstüörtülü iki mesaj göndərib. Birincisi, Nikol Paşinyan rəsmi Bakının Qarabağdakı rusiyalı sülhməramlıların statusunu müəyyənləşdirmək istəmədiyini deyərək fikrini belə tamamlayıb: “Azərbaycanda erməni hərbçilər üzərində məhkəmələr davam edir. Həmin erməni hərbçilər dekabrın 9-da rusiyalı hərbçilərin səlahiyyət zonasında əsir götürülüb”. Paşinyan bu cümlə ilə demək istəyib ki, Qarabağda erməni hərbçilərin əsir götürülməsinə Moskva göz yumub və Bakıya qarşı sərt açıqlama verməyib və əsirlərin azad edilməsi istiqamətində Azərbaycana heç bir təsir göstərməyib.

Nikol  Paşinyan iclasda Rusiyaya ikinci mesajında belə bir hədələyici cümlə işlədib: “ Ermənistan-Azərbaycan sərhədində Kollektiv Təhlükəsizlik Müqaviləsi Təşkilatının monitorinq qrupunun yerləşdirilməsini təklif edirəm. Əgər təşkilat çərçivəsində belə bir qrup yaradılması mümkün deyilsə, monitorinq qrupu ATƏT-in Minsk qrupu formatında yaradılsın.” Kütbeyin Paşinyan bununla guya manevr edərək Moskvaya mesaj göndərir ki, siz sərhədimizi nəzarətə götürüb erməniləri Azərbaycandan qorumaq istəmirsinizsə, biz də Fransa və ABŞ-ı dəvət edəcəyik. Bu fikri söyləməklə təsdiq edib ki, daim qoltuqda yaşamış Ermənistan öz sərhədlərini qoruya bilməyən bir qondarma dövlətdir. Lakin iddiaları imkanlarından çox aşağı olan bu dövlətciyin başbilənləri tamamilə yersiz olaraq ondan-bundan kömək umurlar.

Nikol Paşinyana da aydındır ki, Kollektiv Təhlükəsizlik Müqaviləsi Təşkilatı və Rusiya sərhəd məsələsinə qarışmaq istəmirlər. Hətta Moskvanın özü Bakının irəli sürdüyü təklifini səsləndirib: “Sərhəddə delimitasiya və demarkasiya işləri başlamalıdır”.  “Delimitasiya” və “demarkasiya” sözlərini hətta ifadə etməkdən belə it kimi çəkinən Paşinyan Rusiyanı erməni cəmiyyətinin gözündə daha da aşağılamağa çalışaraq  demək istəyir ki, Rusiya bizi Azərbaycandan qorumaq istəmir, odur ki, Qərbdəki dostlarımıza müraciət etməliyik. Əslində, Qərbi Ermənistana gətirmək Paşinyanın əsas məqsədidir və bu istiqamətdə “fəaliyyətini” genişləndirməyə və tərəfdarlarının sayını artırmağa çalışır. Təsadüfi deyil ki, Ermənistanda hakimiyyəti Rusiyapərəst şəxslərdən təmizləmə əməliyyatı artıq başa çatmaq üzrədir. Paşinyanın dəvəti və razılığı ilə ABŞ və Fransa dolayısı ilə Ermənistanda Rusiyanı əvəz etməyə hazır olduqlarını bildiriblər. Fransa prezidenti Emmanuel Makronun Ermənistana göstərdiyi canfəşanlıqlar buradan qaynaqlanır. O, Ermənistan vasitəsi ilə Cənubi Qafqazda “ayağına yer eləmək üçün ” dəridən-qabıqdan çıxır. Ancaq Azərbaycan ərazilərində Ermənistan adlı dövlət “quraşdıran”, yüz altmış il ona himayə göstərən və ağalıq edən bir dövlət, yəni Rusiya  könüllü surətdə onu kiminsə “qucağına” atarmı? Şübhəsiz ki, yox. Rusiya buna hazır deyil və rəqiblərini Ermənistana buraxmayacaq. Bu narazılığın ilk simptomları özünü bu günlərdə hətta beynəlxalq səviyyədə göstərdi. Təəccüb doğuran odur ki, ATƏT-in Minsk qrupunun həmsədrləri “ənənəni” pozaraq  ilk dəfə olaraq Azərbaycanı və Ermənistanı keçən ilin noyabrında imzalanmış Bəyanatın müddəalarını yerinə yetirməyə çağırıblar. Bu çağırış ATƏT-in ərköyün Ermənistana göstərdiyi ilk təpkidir. Şübhəsizdir ki, bu çağırış Rusiyanın təkidi ilə qəbul edilib. Şübhə yoxdur ki, indi Ermənistanı himayə edən ABŞ və Fransadan bunu gözləmək siyasi korluq olardı. Çünki Cənubi Qafqaz siyasətində ABŞ və Fransa Rusiyaya qarşıdırlar. Onlar Rusiyanın Ermənistandan çıxarılması üçün Nikol Paşinyana lazımi təlimat və dəstək verirlər. Öz növbəsində Rusiya bu regionda təklənməmək, təhlükəni bloklamaqla gələcək məğlubiyyətdən sığortalanmaq  üçün Azərbaycan və Türkiyə ilə münasibətləri normal saxlamaq məcburiyyətindədir.

Fürsətdən istifadə edən Ermənistan Rusiyaya qarşı hücumlarını var gücü ilə davam etdirir. Bu günlərdə Rusiyada yaşayan ermənilərin dövriyyəyə buraxdıqları mesajlar Ermənistan-Rusiya münasibətlərinə daha bir zərbə vurmuş olacaq. Ermənilər çıxış edərək bildiriblər ki, Rusiya parçalanmaq ərəfəsindədir. Bu, baş verən kimi, ermənilər Rusiyadakı ərazilərini qoparıb almağa hazır olmalıdırlar. Məlumdur ki, ermənilər Rusiyanın Krasnodar, Stavropol, Armavir və daha bir neçə vilayətinin “böyük Ermənistan” ərazisi olduğunu iddia edir və öz xəritələrində əks etdirirlər. Bütün bunlar açıq göstərir ki, ermənilər nə qədər təhlükəli bir toplumdurlar və onlara etibar etmək olmaz. Ermənilər bu hərəkətləri ilə ona çörək verən sahibinin əl-ayağını gəmirən qudurmuş itlərə oxşayırlar.