Yoluxma sayındakı artım məhz “Delta” ştammı ilə əlaqədardır – Yaqut Qarayeva
Koronavirusa yoluxmaların artması məhz “Delta” ştammının yayılması ilə əlaqədardır.
ARANTV.AZ Trend-ə istinadən bildirir ki, bunu Operativ Qərargahın keçirdiyi brifinqdə Tibbi Ərazi Bölmələrini İdarəetmə Birliyinin şöbə müdiri Yaqut Qarayeva deyib.
O bildirib ki, “Delta” ştammının müalicəsi digərlərindən fərqli olmadığı üçün xəstələrin “Alfa”, “Betta” və ya “Delta” ilə yoluxduğunu müəyyənləşdirməyin heç bir kliniki əhəmiyyəti yoxdur:
“Amma elmi və epidemioloji olaraq hazırda Azərbaycanda yayılan ştamm əsasən “Delta” ştammıdır. Məhz bu səbəbdən yoluxmalar bu qədər kəskin artıb”.
