Bərdədə təhsil, mədəniyyət müəssisələrində şəhid ailələri və qazilərlə görüşlər davam edir.
Azərbaycanın Milli Qəhrəmanı şəhid Elgiz Kərimov adına şəhər 4 nömrəli tam orta məktəbin müəllim və şagird kollektivi mütəmadi olaraq şəhid ailələri və qazilərə baş çəkir, şəhidlərin məzarlarını ziyarət edir, məktəbdə görüşlər təşkil edir, bu görüşlərdə torpaqlarımızın azad olunmasında müzəffər Ali Baş Komandan cənab İlham Əliyevin, qalib Azərbaycan xalqının, rəşadətli Milli Ordumuzun qazandığı böyük Qələbədən, şəhidlərimizin və qazilərimizin döyüş yolundan, Qarabağa qayıdışdan, Dirçəliş hərəkatından bəhs olunur. Bu görüşlər məktəblilərin vətənpərvərlik tərbiyəsinə yüksək təsir edir.
