Rusiyadan qorxursunuzmu? Niyə? – SORĞU FOTO VİDEO
Ukraynaya hücum və bütün dünyanın buna qarşı çıxmasına baxmayaraq, Rusiya işğal və öldürmə siyasətini davam etdirir. Bu da təbii olaraq, Rusiya ilə qonşuluqda yaşayan, yaxud da onun “əlinin” çata biləcəyi məsafədə olan milyonlarla insanda vahimə yaradır. Hazırda Polşadan, Finlandiyadan başlamış, İsveç, Norveçə qədər, bütün Avropa insanı qorxu və həyacan içindədir. Bu qorxunu törədən isə Rusiyanın aqressiv, təcavüzçü siyasətidir.
Əsrlər boyu Rusiya zorbalığı və təcavüzü yaşamış Azərbaycan xalqı isə Rusiyanı o qədər də sevmirmiş. Bu, Ukrayna müharibəsi ilə üzə çıxan gerçəklərdən biri oldu. Baxmayaraq ki, Rusiyada 2.5 milyon azərbaycanlı əmək miqrantı və daimi yaşayan azərbaycanlılar var, – onlar orada Azərbaycandan daha yaxşı yaşayırlar, – yenə də məlum olur ki, xalqımız qonşu Rusiyanı deyil, uzaqdakı Ukraynanı dəstəkləyirmiş.
Simpatiya-antipatiya məsələsi bir tərəfə, bəs, azərbaycanlılar da avropalılar və digər xalqlar kimi, Rusiyadan qorxurlarmı? Qorxurlarsa, nədən və nəyə? Qorxmurlarsa, onları bu cür cəsur edən və avropanın ‘’qorxan əhali’’sindən fərqləndirən nələrdir.
Bu suallarla paytaxt Bakının küçələrinə çıxdıq və rastgələn sakinlərə bu sualları verdik. Yekunda isə onların cavablarını və problem kimi qoyduğumuz mövzunu şərh etmək üçün politoloq Elçin Xalidbəyliyə müraciət etdik. Ortaya çıxan video-reportajı diqqətinizə təqdim edirik.
