Səhər yeməyini özün ye…

Səhər yeməyi gündəlik rasionumuzun ən önəmli hissəsi hesab olunur. Bəs görəsən müxtəlif ölkələrdə səhər yeməyi necə hazırlanır? Bu haqda topladığımız məlumatları təqdim edirik.

Türkiyə

Ənənəvi türk səhər yeməyi çörək, pendir, yağ, zeytun, yumurta, pomidor, xiyar, mürəbbə, bal və qaymaqdan ibarət olur. Buraya sucuq – ətirli türk kolbasası da çox məşhurdur. Türk çayı və qəhvəsi isə sözsüz ki, möhtəşəmdir.

İtaliya

İtaliyada qəhvə kruassanla içmək dəbdir. Lakin bir çox italyanlar səhər yeməyini kappuçino və biskotti qurabiyəsi ilə edir. İtaliyada əsas olan yemək zamanı yaranan ab-havadır.

Onlar səhər yeməyini adətən barda yeyirlər. Bu zaman onlar yeni qəzetləri gözdən keçirir, tanışları ilə ünsiyyət qururlar. İtaliyada yerləşən barlar çox vaxt digər ölkələrdəkilərlə müqayisədə daha sadə olur. Onlar yalnız bar masasından ibarət olur. Burada bar masası demək olar ki, hər evin qarşısında yerləşir.

Yaponiya

Ənənəvi yaponların süfrəsi düyü, “tamaqo-yaki” (soya sousu ilə rulet şəklində bükülmüş omlet), miso-şorba, marinadlaşdırılmış tərəvəz və “natto” – qıcqırdılmış soya paxlasından olan xörəkdən ibarətdir. Təcrübəli səyyahların sözlərinə görə, paxlanın dadı olduqca spesifikdir, bu səbəbdən də əcnəbilər onu sevmir.

İsrail

İsraildə məşhur olan səhər yeməklərindən biri “şakşuka” dır. Bu yemək acı tomat sousunda qızardılmış yumurtalardan ibarətdir.

Hindistan

Hindistanda adətən səhər yeməyi içərisində kiçik fincanların, yeni katorilərin içində verilir. Hindistanlıların səhər yeməyi adətən “dal makhani” (ədviyyatlı yemək), “poha” (düyüdən hazırlanan qəlyanaltı), ağartı məhsullarından bişirilən yeməklər, “karri”də yumurta, kartofla, pendirdən hazırlanan kürəciklər tərəvəzlərdən ibarət olur. Burada səhər yeməkləri belə ədvalı və çox acı olur. Səhər yeməyinə mütləq düyü ilə mərci və düyü unundan bişirilmiş nazik “dosa” kökələri də əlavə edilir. Hindistanın ənənəvi içkisi – masala çayıdır (südlü və ədvalı). Əsas qayda isə yeməklərin sağ əllə, çəngəl-qaşıq istifadə etmədən yeyilməsidir.

ABŞ

ABŞ-da ənənəvi səhər yeməkləri regiona görə dəyişir və əsasən yumurta, bekon, sıyıq və pankeykdən ibarət olur.

Vyetnam

Vyetnamda ənənəvi səhər yeməyi əriştəli şorbalardan ibarətdir. Bu şorbaların adətən iki növü məşhurdur: “fo-bo” – mal əti ilə və ya “fo-qa” – toyuq ilə.

Peru

Peruda ən sevilən səhər yeməyi “seviçe” adlanır. Bu yemək laym şirəsində marinadlaşdırılmış balıq və dəniz məhsullarından ibarətdir.

Almaniya

Almaniyada isə yeməklər müxtəlif ət assortisindən ibarət olur. Həmçinin menyuya sosis, yeni bişmiş çörək və yerli pendirlər də daxildir.

Yamayka

Yamaykalıların da öz qeyri-adi səhər menyusu var. Yamaykada səhər yeməyi zamanı duzlu balıq meyvələrlə yeyilir.

İngiltərə

İngiltərədə ənənəvi səhər yeməyi adətən yumurta, sosis, bekon, lobya və göbələkdən ibarət olur.

Kuba

Kubalıların tipik səhər süfrəsi “cafe con leche” – südlü kofe və yanında yağda qızardılmış çörəkdən ibarət olur.

Efiopiya

Efiopiyada səhər yeməyi zamanı “ıncera” adlı ənənəvi çörək yeyilir. Diametri azı bir metrə çatan kökə həm yemək, həm də boşqab rolunu oynayır. Bu kökənin üzərinə ət, düyü, kartof və müxtəlif souslar əlavə olunur.

Polşa

Polyakların səhər yeməyi müxtəlif növ ət məhsullarından, kolbasa,pendir, şokolad və yağdan ibarət olur.

Pakistan

Pakistanlılar isə səhər yeməyi zamanı mütləq “ nijar” adı yeməkdən hazırlayırlar. Bu yemək malın ayaq hissəsindən hazırlanır.

Kolumbiya

Kolumbiyada ənənəvi səhər yeməyi süd, yumurta və yaşıl soğandan hazırlanan “çanqua” şorbasıdır.

İsveçrə

İsveçrədə mütləq “müsli” adlı sıyıq hazırlanır. Müxtəlif taxıl növlərindən ibarət olan bu sıyıq meyvə qurusu və qoz-fındıqla süfrəyə verilir.