“2020-ci ildə Vətən müharibəsi nəticəsində şəhid olmuş 2 015 nəfərin vərəsələrinə 11 min manat birdəfəlik sığorta ödənişi verilib”.
ARANTV.AZ-ın məlumatına görə, Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov “Yeni” TV-nin canlı yayımında bildirib.
“Ağır xəsarət alan hərbçilərdən 2 858 nəfərin, yüngül xəsarət alan 3 726 nəfərin ya özlərinə, ya da ailə üzvlərinə ümumilikdə 32 milyon manat məbləğində sığorta ödənişinin verilməsi davam edir”, – deyə şöbə müdiri qeyd edib.
O bildirib ki, ümumilikdə şəhidlərin üçdə ikisinin ailəsinə ödəniş həyata keçirilib:
“Eyni zamanda 2 790 şəhidin 7 190 ailə üzvünə sosial ödənişlər təyin edilib. 11 hərbi qulluqçuna əlillik dərəcəsi müəyyən edilib”.
