Trans-Adriatik boru kəməri (TAP) konsorsiumu ümumi layihə gücünün ildə 20 milyard kubmetrdən çox artırılmasına uzunmüddətli tələbat yaranacağı təqdirdə onun iqtisadi və texniki reallaşdırılmasını nəzərdən keçirə bilər.
ARANTV.AZ bildirir ki, bunu Trend-ə TAP-ın icraçı direktoru Luka Skyeppati deyib.
O bildirib ki, boru kəmərinin buraxılış gücünün ildə 20 milyard kubmetrədək artırılması zərurəti bazar sınaqlarının yekunlarına əsasən müəyyənləşir:
“TAP illik 20 milyard kubmetr buraxılış gücü nəzərə alınaraq layihələndirilib. Tikintidən əvvəl TAP üçün yaradılmış kommersiya və normativ-hüquqi baza ilkin mərhələdə ildə 10 milyard kubmetr buraxılış gücünə, sonrakı mərhələlərdə əlavə kompressorların quraşdırılması hesabına potensial olaraq 20 milyard kubmetrədək artırılmasına əsaslanıb”.
