“Bu il Bakı, Sumqayıt və Abşerondakı bütün şəhid ailələri və müharibə əlilləri mənzillə təmin ediləcək” – Nazir

Bu il Bakı, Sumqayıt şəhərləri və Abşeron rayon qeydiyyatı olan bütün şəhid ailələri və müharibə əlilləri mənzillə təqdim ediləcək.

ARANTV.AZ  Trend-ə istinadən bildirir ki, bunu Əmək və əhalinin sosial müdafiəsi naziri Sahil Babayev deyib.

Onun sözlərinə görə, bu il 3000-ə qədər mənzilin şəhid ailəsi və müharibə əlilinə təqdim edilməsi planlaşdırılır. Həmin mənzillər Bakı, Sumqayıt şəhərləri və Abşeron rayon qeydiyyatı olan bütün şəhid ailələri və müharibə əlillərini əhatə edəcək. Qeyd edilən şəhər və rayonda mənzillə təmin olunmayan və yaşayış ehtiyacı olan heç bir şəhid ailəsi və müharibə əlilli qalmayacaq:

“Paralel olaraq, regionlarda da bu iş aparılır. Ötən il 800 ev məhz regionda yaşayan şəhid ailəsi və müharibə əlillinə təqdim edilib. Bu proqram bu il də davam etdiriləcək.

Nazir əlavə edib ki, şəhid ailələri və müharibə əlilləri üçün Binəqədi rayonunun Xochəsən qəsəbəsində, Sumqayıt şəhərində, Qaradağ rayonunda il ərzində yaşayış komplekləri tikiləcək və il ərzində hazır olduqca istifadəyə veriləcək.