Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin bütün sosial xidmət müəssisələrində olduğu kimi, “Qocalar evi” kimi tanınan Ahıl Şəxslər üçün Sosial Xidmət Müəssisəsində də sakinlərin COVID-19 infeksiyasından qorunması təmin edilir.
Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr və kommunikasiya şöbəsindən Modern.az-a bildirilib ki, müəssisədə bütün bölmə və guşələr mütəmadi dezinfeksiya edilir:
“Müəssisədə sanitar-gigiyenik vəziyyətə daim ciddi nəzarət olunur.
Bununla bərabər, peyvəndləmə işləri də aparılıb. Tənha ahıl şəxslərin ilk mərhələ vaksinasiyası aparılıb, hazırda da ikinci vaksinasiya işləri aparılır”.
Nazirliyin məlumatına görə, 200-dən çox sakinin yaşadığı müəssisədə koronavirusa yoluxma halı qeydə alınmayıb.
