Minalar təhlükə mənbəyidir və biz bu təhlükənin aradan qaldırılması üçün birgə çalışmalıyıq.
ARANTV.AZ Trend-ə istinadən bildirir ki, bunu BMT rezident nümayəndəsinin müavini Çaru Bist Beynəlxalq Mina Xəbərdarlığı və Mina Aksiyasına Yardım Günü ilə əlaqədar tədbirdə deyib.
Ç.Bist bildirib ki, BMT minaların təmizlənməsi ilə bağlı uzun illərdir ki, Azərbaycanla əməkdaşlıq edir: “Biz birlikdə əməkdaşlıq etməliyik ki, mina təhlükələrini aradan qaldıraq. Ümid edirik ki, hökumət və BMT qurumları və digər təşkilatlar arasında minalardan təmizlənməsi istiqamətində əməkdaşlıq bundan sonra da davam edəcək.
Biz ANAMA ilə əməkdaşlıq edirik. Ötən illər ərzində biz səmərəli əməkdaşlıq etmişik və qarşıdan gələn müddət ərzində də texniki ekspertiza, avadanlıqlar və digər istiqamətlərdə Azərbaycana dəstək göstərməkdə davam edəcəyik”.
