Azərbaycan, Türkiyə və Pakistan xüsusi təyinatlılarının təliminin vaxtı və yeri açıqlandı
Yaxın zamanlarda 3 qardaş dövlətin xüsusi təyinatlı qüvvələrinin birgə təlimləri keçiriləcək.
Bu sözləri “REAL TV”-yə müsahibəsində Azərbaycan Respublikasının Müdafiə naziri, general-polkovnik Zakir Həsənov deyib.
Z.Həsənov bildirib ki, prezident İlham Əliyevin tapşırığı ilə Azərbaycan, Türkiyə və Pakistanın birgə təlimlərinin həyata keçirilməsi ilə bağlı qərar qəbul edilib:
“Belə ki, sentyabr ayında ölkəmizdə Azərbaycan, Türkiyə və Pakistanın xüsusi təyinatlı qüvvələrinin təlimləri gözlənilir. Biz buna hazırlıq görürük. Artıq ekspert qrupların bir hissəsi Azərbaycandadır. Təlimlərin keçiriləcəyi ərazilərlə tanış olublar və bizim hazırlıqlarımızı yüksək qiymətləndiriblər”.
