İranlı yük maşını sürücüləri Vorotan (Şahverdilər) yaxınlığındakı yolu bağlamaqla hədələyirlər.
ARANTV.AZ xəbər verir ki, sürücülərdən Əmir adlı şəxs Sputnik Armenia-ya bildirib ki, iranlılar üç gündür Vorotan yaxınlığında dayanıblar və azərbaycanlılara ödəməyə pulu olmadığı üçün keçə bilmirlər. Əmir deyir ki, artıq Meğridə Ermənistan gömrüyündə pul ödəyib, niyə bir daha ödəməlidir. Yanacaq daşıyan maşının keçməsi üçün 350 dollar tələb edirlər.
Sürücülər problemi bir neçə saat ərzində həll edilməzsə, yolu bağlayacaqları ilə hədələyirlər. Bu sahədə təxminən 50 İran yük maşını yığılıb. Əmir bu məlumatı Ermənistanın baş naziri Nikol Paşinyanın diqqətinə çatdırmağa çağırıb.
Xatırladaq ki, bu sürücülər arasında Güney Azərbaycandan olan soydaşlarımız az deyil. Bu insanların azərbaycanlı olduqlarına şübhəmiz var. Onlar “azərbaycanlı” adına ləkədirlər.
