44 günlük Vətən müharibəsinin başlanması ilə mənfur düşmən müxtəlif şəhər və rayonlarımızda yaşayış binalarını hədəf alaraq terror törədib. Bu terror nəticəsində sıravi vətəndaşlarımız da şəhidlik məqamına ucalıb. Valideynlərini itirən uşaqlar, uşaqlarını itirən valideynlər ürək dağlayır.
ARANTV.AZ-ın verdiyi məlumata görə, bu gün də 2 yaşlı Nilayın Gəncə terroru zamanı ana-atasını və nənəsini itirməsindən 1 il ötür.
Ötən il, 11 oktyabr gecəsi Nilay son dəfə valideynləri ilə birgə yatıb, amma yuxudan baş verən hadisənin dəhşəti ilə oyanıb. Artıq onun nə anası var, nə atası, nə nənəsi…
Gəncə terroru öz qəddarlığı və amansızlığı ilə bir daha ermənilərin insanlığa qarşı ən böyük təhlükə olduğunu bütün dünyaya nümayiş etdirir.
