2022-ci ilin “Şuşa İli” elan edilməsi Qarabağda sülh və təhlükəsizliyin təmini baxımından böyük əhəmiyyət daşıyacaq.
ARANTV.AZ xəbər verir ki, bunu Milli Məclisin deputatı Tural Gəncəliyev deyib. Deputat əlavə edib ki, cari ilin “Şuşa ili” olması heç də təsadüfi deyil. Bu, dünyaya, xüsusilə də Ermənistana ciddi mesajdır.
Azərbaycanın güclü iqtisadi potensialı işğaldan azad olunmuş ərazilərdə irimiqyaslı quruculuq işlərinin həyata keçirilməsi və Böyük Qayıdışın uğurla icra edilməsi üçün geniş imkanlar açır. İqtisadi potensialımız keçmiş məcburi köçkünlərimizin öz yurdlarına qayıtması zamanı üzləşə biləcəkləri bütün problemlərin həlli üçün etibarlı zəmin yaradır. Bu mənada, sözsüz ki, 2022-ci il Böyük Qayıdışı stimullaşdıracaq amil kimi çıxış edəcək.
“Şuşa il”ində qarşıya qoyulan hədəflərə gəldikdə isə…
Mahiyyət etibarilə, Vətən müharibəsində qazandığımız qələbədən sonra Azərbaycan üçün yeni dövr başlayıb. İşğaldan azad edilmiş torpaqların bərpası və inkişafı ilə bağlı strategiya hazırlanıb. İndi isə əsas hədəfimiz Qarabağı dirçəltməkdir.
