Yevlaxda Səfərbərlik və Hərbi Xidmətə Çağırış üzrə Dövlət Xidmətinin yaradılmasının 10-cu ildönümü münasibətilə tədbir keçirildi

Yevlax Şəhər İcra Hakimiyyəti,  Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin təşkilatçılığı ilə Səfərbərlik və Hərbi Xidmətə Çağırış üzrə Dövlət Xidmətinin yaradılmasının 10-cu illiyi ilə əlaqədar tədbir keçirilmişdir.
Tədbir iştirakçıları ilk öncə Ulu Öndər Heydər Əliyevin abidəsini ziyarət edərək önünə gül dəstələri düzərək ruhuna öz ehtiramlarını bildiriblər.
Dövlət Himni səsləndikdən sonra torpaqlarımızın azadlığı,ərazi bütövlüyümüzün bərpası uğrunda canlarını fəda etmiş şəhidlərimiznin müqəddəs xatirəsi 1 dəqiqəlik sükutla yad edilmişdir.
Çıxış edən Səfərbərlik və Hərbi Xidmətə Çağırış üzrə Dövlət Xidmətinin Yevlax rayon Şöbəsinin rəisi mayor Samir Qurbanov qurumun yaranması, inkişafı və fəaliyyəti barədə geniş məruzə ilə çıxış edib. Bildirib ki, bu gün doğma Azərbaycanımız hər birimizin gözü qarşısında sürətlə və hərtərəfli inkişaf edir. Bu inkişaf prosesinin şahidi olmaq, onu izləmək çox qürurvericidir. Ulu Öndər Heydər Əliyevin müəyyən etdiyi strategiyaya uyğun olaraq Azərbaycan Respublikasının Prezidenti, Silahlı Qüvvələrin Ali Baş Komandanı Cənab İlham Əliyevin rəhbərliyi ilə müasir inkişaf dövründə ölkəmizintərəqqisi və davamlı inkişafı istiqamətində genişmiqyaslı işlər müvəffəqiyyətlə davam etdirilir.
Natiq qeyd edib ki, ölkəmizdə aparılan islahatların tərkib hissəsi olaraq Prezident İlham Əliyevin 13 fevral 2012-ci il tarixli Fərmanı ilə Səfərbərlik və Hərbi Xidmətə Çağırış üzrə Dövlət Xidməti yaradılıb. Ötən 10 ildə istər idarəetmənin təkmilləşdirilməsi, istər qanunvericilik, istərsə də onun tətbiqi ilə bağlı bir sıra ciddi addımlar atılıb. Çağırış və səfərbərlik resurslarını tənzimləyən mükəmməl mexanizmin yaradılması istiqamətində zəruri tədbirlər görülüb. Samir Qurbanov həmçinin Vətən müharibəsi dövründə Xidmətin fəaliyyətindən bəhs etdi.
Yevlax Şəhər İcra Hakimiyyətinin Başçısı Anar Tağıyev çıxış edərək Səfərbərlik və Hərbi Xidmətə Çağırış üzrə Dövlət Xidməti Yevlax rayon şöbəsinin bütün əməkdaşlarını xidmətin yaranmasının 10-cu ildönümü münasibəti ilə ürəkdən təbrik etdi və şöbənin hər bir əməkdaşına xidməti fəaliyyətində uğurlar arzuladı. Qeyd etdi ki, Səfərbərlik və Hərbi Xidmətə Çağırış üzrə Dövlət Xidməti yaradıldığı gündən  gənclərin hərbi vətənpərvərlik tərbiyəsinin gücləndirilməsi, çağırışçıların həqiqi hərbi xidmətə yola salınması, ordumuzun vətənpərvər, sağlam gənclərlə təmin edilməsi istiqamətində Ali Baş Komandanın qarşıya qoyduğu vəzifələri layiqincə yerinə yetirir. Ulu Öndər Heydər Əliyevin böyük strateji təfəkkürü nəticəsində əldə olunan atəşkəs ordu quruculuğuna təkan verməklə yanaşı, bu prosesin tərkib hissəsi olan hərbi çağırış sisteminin də təkmil əsaslarla formalaşmasına şərait yaratdı. Unutmaq olmaz ki, onilliklər öncəsi, yəni müstəqillyimizin ilk dövrlərində fərarilik göstəriciləri böyük idi. İnsanların ordudan yayınması geniş yayılmışdı. Bu acınacaqlı hal isə hərbi çağırış sistemində böyük problemlər, əlavə çətinlkilər yaradırdı. Lakin Ulu Öndər Heydər Əliyevin ordu islahatları ilkin nəticələrini verməyə başlayan andan etibarən insanlarımızın orduya, hərbi xidmətə inamları da artmağa başladı.
Şəhər İcra Hakimiyyətinin Başçısı çıxışının davamında bildirdi ki, bu gün böyük qürurla haqqında danışdığımız tarixi Zəfərin əldə olunmasında Xidmətin də müstəsna rolu, təşəbbüskarlığı, zəhməti, fədakarlığı var. Səfərbərlik və Hərbi Xidmətə Çağırış üzrə Dövlət Xidmətinin, eləcə də onun rayon, şəhər şöbələri gənclərin hərbi-vətənpərvərlik tərbiyəsində, çağırışaqədərki hazırlığında, səfərbərlik hazırlığında, eləcə də xüsusi hərbi ixtisaslar üzrə hazırlıqda vacib rol oynayır.
Belə ki, 2020-ci ilin Sentyabrın 27-də müzəffər Ali Baş Komandanımızın rəhbərliyi ilə «Dəmir yumruq» əməliyyatı başlayarkən Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin qarşısında böyük izdiham yaşanırdı. Qocalı-cavanlı, kişili-qadınlı hər kəs Vətən uğrunda mübarizəyə və müharibəyə hazır olduğunu nümayiş etdirirdi. Yüzlərlə gəncimiz Qüdrətli Sərkərdəmiz cənab İlham Əliyevin çağırışı ilə Vətən Savaşında qəhrəmanlıqla döyüşdülər.
Müzəffər Ali Baş Komandanımız Cənab İlham Əliyevin rəhbərliyi ilə 44 günlük müharibədə qazanılan qələbədən sonra artıq gənclərimizdə ruh yüksəkliyi yaranıb, bütün çağırışçı yaşında olan gənclər dərhal şöbəyə yaxınlaşır, xidmətə hazır olduqlarını bildirirlər.
Bu, Müzəffər Komandanımız İlham Əliyev cənablarının rəhbərliyi ilə ölkədə aparılan ordu quruculuğunun məntiqi nəticəsidir.
Daha sonra çıxış edən Vətən Müharibəsi veteranı Cəfər Adgözəlov Xidmətin əməkdaşlarını ildönümü münasibətilə təbrik edib və xoş arzularını çatdırdı, uzun illər Müdafiə Nazirliyinin tabeliyində hərbi komissarlıq kimi fəaliyyət göstərən bu qurum ölkənin ordu quruculuğunda, gənclərin orduya hazırlanması və vətənpərvərlik ruhunda tərbiyəsində mühüm rolunu qeyd etdi. Bildirdi ki, zəngin dövlətçilik irsinə malik Azərbaycan xalqı şanlı keçmişi ilə qürur duyur, əldə etdiyi və göz bəbəyi kimi qoruduğu azadlığını tarixi uğur kimi qiymətləndirir, ölkənin suverenliyi və ərazi bütövlüyü uğrunda hər cür fədakarlığa hazır olduğunu nümayiş etdirir. Müzəffər Ali Baş Komandan, Prezident İlham Əliyevin rəhbərliyi ilə 2020-ci ildə Azərbaycanın möhtəşəm Qələbəsi ilə nəticələnmiş 44 günlük Vətən müharibəsi bu əzmi və iradəni, tarixi irsə və mədəniyyətə olan sonsuz sədaqəti aydın şəkildə əks etdirir. Bu gün Azərbaycan Respublikası ərazi bütövlüyünü bərpa etmiş dövlət kimi tarixində ən böyük quruculuq və qayıdış dövrünü yaşayır.
Sonda Möhtərəm Prezidentimiz Cənab İlham tərəfindən təltif edilmiş şəhidlərin ailə üzvlərinə və Vətən müharibəsi iştirakçılarına medallar təqdim olundu. Həmçinin Vətən Müharibəsi zamanı Xidmətin Yevlax rayon Şöbəsinə xüsusi dəstək göstərdiyinə görə Yevlax Şəhər İcra Hakimiyyətinin, həmçinin rayonda fəaliyyət göstərən idarə müəssisələrin əməkdaşları  Səfərbərlik və Hərbi Xidmətə Çağırış üzrə Dövlət Xidmətinin fəxri fərmanları ilə təltif olundular. Eyni zamanda, Səfərbərlik və Hərbi Xidmətə Çağırış üzrə Dövlət Xidmətinin bir qrup əməkdaşına Yevlax Şəhər  İcra Hakimiyyətinin fəxri fərmanları təqdim edildi.