Azərbaycanın Bərdə, Mingəçevir və cənub rayonlarından olan 45 gələcək icma lideri və Səfirliyin maliyyələşdirdiyi “Gənclər Korpusu” layihəsinin iştirakçıları Azərbaycan üzrə layihələrini müzakirə etmək üçün Bakıda bir araya gəliblər.
Bu barədə ABŞ-ın Azərbaycandakı səfirliyi məlumat yayıb.
Bildirilib ki, layihə gənclərə “Gənclər Korpusu” icmasını yaratmaq imkanı verir. Doqquz könüllü təşəbbüs layihəsi artıq regionlar üzrə 200 nəfərlə işləyir. Onların təşəbbüsləri cənub bölgələrindəki Kitab Klubu, məcburi köçkün icmaları üçün kompüter və dil kursları, sosial sahibkarlıq təşəbbüsü və Bərdədə şəhərin təmizlənməsi və zibil qutularının quraşdırılması üçün “yaşıl aksiyalar”dan ibarətdir. İcmanızda əhəmiyyətli müzakirəyə töhfə vermək və problemləri həll etmək barədə fikirləriniz varsa, İcma İnkişaf Proqramımıza müraciət etməyi nəzərdən keçirin. Müraciət üçün son tarix mayın 15-dir.
Ətraflı məlumat almaq və müraciət etmək üçün linkə daxil ola bilərsiniz.
