İqtisadiyyat Nazirliyinin Sahibkarlığın İnkişafı Fondu (SİF) tərəfindən “Vent MMC”nin havalandırma borularının istehsalı layihəsi üçün 495 min manat güzəştli kredit ayrılıb.
Bu barədə iqtisadiyyat naziri Mikayıl Cabbarov özünün “Twitter” hesabında yazıb.
Xatırladaq ki, 2022-ci ildə SİF tərəfindən ümumi dəyəri 399,4 milyon manat olan 2 726 investisiya layihəsinin maliyyələşdirilməsinə 145,9 milyon manat güzəştli kredit verilib. Bu kreditlər hesabına 3 000-dən çox yeni iş yerinin açılması imkanı yaranıb. Verilmiş kreditlərin 59,8%-i kənd təsərrüfatı, 23,9%-i sənaye məhsullarının istehsalı və emalı, 6,5%-i turizm, 9,9%-i isə digər (təhsil, tibb və s.) sahələrin inkişafına yönəldilib. Güzəştli kreditlərin 70,6%-i regionların, 29,4%-i isə Bakı şəhəri və Abşeronun payına düşür.
Ötən il verilmiş güzəştli kreditlərin layihə sayı üzrə 99,9%-i, kreditin məbləği üzrə isə 98,3%-i mikro, kiçik və orta sahibkarlıq subyektlərinə verilib.
Sahibkarlığın İnkişafı Fondu (@sahibkarliq) tərəfindən Vent MMC-nin havalandırma borularının istehsalı layihəsi üçün 495 min ₼ #güzəştlikredit ayrılıb.#EconomyAz #SİF pic.twitter.com/BwyqBMzumV
— Mikayil Jabbarov (@MikayilJabbarov) March 15, 2023
