Mayın 7-13-də keçirilən böyüklər arasında Dünya çempionatından sonra Azərbaycan Cüdo Federasiyasına (ACF) istefa ərizəsini təqdim edən performans direktor Mark van der Hamla müqaviləyə xitam verilib.
Bu barədə ARANTV.AZ-a ACF-dən bildirilib.
“Bütün Azərbaycan idmançılarına və heyət üzvlərinə gələcək karyeralarında və yarışlarda uğurlar arzulayıram. Azərbaycanda olduğum müddətdə Federasiya tərəfindən göstərilən hərtərəfli dəstəyə görə təşəkkürümü bildirirəm”,- deyə Mark van der Ham qeyd edib.
ACF Mark van der Hama Azərbaycanda cüdonun inkişafında göstərdiyi səylərə, milli yığmaların işinin təşkilində göstərdiyi xidmətlərə görə təşəkkürünü bildirir və gələcək karyerasında uğurlar arzulayır.
