Məlumdur ki, hər dəfə sülh müqaviləsi imzalanmaq ərəfəsində olanda Azərbaycan-Ermənistan sərhəddində eksalasiya riski, təxribatlar daha da artır. Əvvəl də qeyd etmişdim ki, iyunun ortalarına, sonlarına qədər bölgədə vəziyyət gərginləşəcək, atəşkəs pozulacaq.
Bunu Trend-ə açıqlamasında hərbi ekspert Telman Qasımov deyib.
“Təkcə Azərbaycan-Ermənistan sərhəddində yox, gözlənilən idi ki, hətta Qarabağdakı separatçılar aktivləşəcəklər, ara-sıra atə. açıb, vəziyyəti ağırlaşdıracaqlar. Təbii ki, bunun da məqsədləri var”, – deyə o qeyd edib.
Qeyd edək ki, son günlər sülh danışıqlarının intensivləşdiyi bir vaxtda istər Ermənistan tərəfi sərhədlərimiz istiqamətində, istərsə də Rusiya sülhməramlı kontingentinin müvəqqəti nəzarət zonasındakı qanunsuz erməni silahlıları mövqelərimizi intensiv şəkildə atəşə tuturlar. Hətta bunlar azmış kimi separatçıların gizli yollarla qanunsuz silah daşımalarını da əks etdirən kadrlar yayılır.
