1 iyul 2024-cü il tarixinə Azərbaycanın xarici dövlət borcu 5 milyard 361.3 milyon ABŞ dolları təşkil edib. Bu dövrdə xarici dövlət borc portfelinin 2 milyard 176.687 milyon ABŞ dolları (40.6%-i) büdcə kəsirinin bağlanılması üzrə hökumət adından çıxış edən Maliyyə Nazirliyi tərəfindən, 3 milyard 184.612 milyon ABŞ dolları (59.4%-i) isə digər icraçı qurumlar tərəfindən həyata keçirilən proqram və layihələr üzrə cəlb edilmiş öhdəliklərin payına düşür.
Bu barədə Maliyyə Nazirliyi məlumat yayıb.
Aşağıdakı cədvəldə 1 iyul 2024-cü il tarixinə dövlət qurumlarının proqram və layihələri həyata keçirmək üçün cəlb etdiyi xarici borcun məbləği verilib. (Oxu.Az)
| Dövlət Qurumları | Xarici borcun məbləği, min ABŞ dolları |
| Azəravtoyol | 1 050 814.8 |
| Dövlət Su Ehtiyatları Agentliyi | 788 111,1 |
| Azərbaycan Dəmir Yolları | 729 136,8 |
| NMR Meliorasiya və Su Təsərrüfatı Agentliyi | 193 006,8 |
| Kənd Təsərrüfatı | 139 393,8 |
| Digər qurumlar | 284 148,9 |
