Cəmiyyətimiz Əli Kərimli, Cəmil Həsənli kimi avantürist və siyasi kələkbazlara öz yerini göstərir
İctimaiyyətimiz eləcə də bəzi Qərb ölkələrində məskunlaşaraq bu antimilli ünsürlərlə işbirliyində olan xəyanətkar “siyasi mühacir” sürüsünə qarşı da çox prinsipial və barışmaz mövqe nümayiş etdirir
Xəyanətkar xislətlərinə uyğun əməllərindən əl çəkməyən, kölə xarakterli, havadarlarının sifarişlərini yerinə yetirən radikal müxalifət düşərgəsinin nümayəndələri və onlarla sıx işbirliyndə olan “siyasi mühacirlər” əvvəllər olduğuğu kimi, ölkəmizdə keçiriləcək beynəlxalq əhəmiyyətli tədbir- COP-29 ərəfəsində də ölkəmizə qarşı şər, böhtan ruporlarını bütün gücü ilə işə salıblar.
Uzun illərdən bəri ölkəmizdəki radikal müxalifət partiyalarının saxta sənədləri ilə Qərbin bəzi ölkələrində “siyasi mühacir” adı ilə məskunlaşan məlum melanxoliklərin əməllərindən, sosial şəbəkələrdə, internet TV-lərdə çıxışlarının hər cümləsindən, onların ritorikasından Azərbaycan əleyhdarı olan dairələrin sifarişlərinin, təlimatlarının və çirkli pullarının iyi gəlir. Necə deyərlər, əskinas keşişin cibinə düşür, günahkarın ruhu rahatlıq tapır.
Dəfələrlə sübut olunub ki, Tural Sadıqlı, Vidadi İsgəndərli, Qənimət Zahid, Qabil Məmmədov, Sevinc Osmanqızı kimi xəyanətkar, avantürist, riyakar və fırıldaqçılar dəstəsinin səs-səsə verərək Azərbaycan əleyhinə qarayaxma kampaniyası aparmalarının arxasında müəyyən xarici ölkələrin xüsusi xidmət orqanlarının və lobbi qruplarının dayandığı açıq-aşkar görünür. Psixi-ruhi cəhətdən çatışmazlığı olan bu qaragüruhçuların indiki fəaliyyətinə diqqət edəndə baş verənlərin onların insani-psixi keyfiyyətlərindən qaynaqlandığını demək xüsusilə yerinə düşər. Xəyanətkarlıq, satqınlıq, pul-para müqabilində tarixi düşmənlərimizin qarşısında ikiqat əyilərək Azərbaycan dövlətinə və dövlətçiliyimizə qarşı təbliğat aparan qərəzli dairələrin köləliyini məmnuniyyətlə qəbul etmək isə məhz həmin keyfiyyətlərin parametrlərindəndir.
Vətən təəssübü, yurd sevgisindən məhrum olan bu başıpozuq dəstənin üzvlərinin sosial şəbəkələrdəki ölkəmizin əleyhinə olan çıxışları onların savadsız, kütbeyin, intellektsiz, dar dünyagörüşünə, xəyanətkar xislətə, idraksızlığa malik olduqlarına dəlalət edir. İdraksızlıq isə q. məmmədovların, t.sadıqlıların, s.osmanqızıların q.zahidlərin və onlarla işbirliyində olan dağıdıcı müxalifət təmsilçilərinin – AXCP sədri Əli Kərimlinin, “Milli Şura”nın rəhbəri Cəmil Həsənlinin, bu qurumun Koordinasiya Mərkəzinin üzvü olan Gültəkin Hacıbəylinin və digərlərinin ən böyük bəlalarından biridir. Duyğusuz, qavrayışsız, hafizəsiz, təfəkkür və təxəyyülsüz belələrindən idraka aid nəsə gözləməyin özü susuz səhradan çicək arzulamaq kimi bir şeydir. Belələri üçün Həzrəti Əli deyirdi ki, təfəkkürlə keçməyən ömürdə xeyir yoxdur! Hər bir sahədə insana ilkin istiqamət verən təfəkkürdür. Təfəkkür olmadığı təqdirdə insan dəryada istiqamətini itirmiş gəmi kimidir. Əsən “yellər” onu doğru olmayan istiqamətlərə aparar.
Bəzi Qərb ölkələrinin təhlükəsizlik xidmətlərinin toruna düşən bu antimilli ünsürlər bütün milli-mənəvi dəyərlərə, əxlaqi-insani keyfiyyətlərə zidd hərəkətlərə yol verərək internet TV-lərdə ermənipərəst dairələrin sifarişlərinə uyğun olaraq Azərbaycanın əleyhinə şər-böhtan kampaniyası aparır, sağa-sola təhqir və söyüş püskürürlər. Əslində bunların çoxu heç ana dilində iki cümləni ard-arda qoşub öz fikirlərini doğru-dürüst ifadə edə bilmirlər. Yaxşı olardı ki, belələri məskunlaşdıqları Almaniyada süpürgə götürüb küçə süpürər, Hollandiyada, Fransada əlinə çomaq alıb inək otarar, beləliklə də halal çörək qazanardılar. Bu, onlara daha çox yaraşar və şərəf gətirərdi. Həm də belə olsaydı onlar bir qarın çörəyə satılaraq Azərbaycanın düşmənlərinin toruna düşməz, yönəldilə bilən bir qrupa çevrilməzdilər.
Gerçəklik budur ki, belələri üçün Vətən, dövlət, xalq, milli-mənəvi dəyərlər kimi anlayışlar çoxdan yadlaşıb. Məqsəd isə birdir – onlara verilən “tapşırıqları” icra etmək, bunun müqabilində xaricdəki himayədarlarından qrantlar qoparmaq. Şübhəsiz ki, xalq artıq dağıdıcıların bu manevrlərini çoxdan başa düşüb və onların əsl niyyətlərini yaxşı bilir. İstər ABŞ-da, istərsə də Avropada bəzi ermənipərəst dairələr yaxşı bilirlər ki, Azərbaycanda AXCP-nin sədri Əli Kərimli, “Milli Şura”nın rəhbəri Cəmil Həsənli “beşinci kolon” rolunu oynamağa çalışırlar.
Şübhəsiz, bütün bunlar əbəsdir. Çünki uzun müddət saxta “müxalifətçiliklə” manipulyasiya edərək üç-beş nəfər tərəfdarına yalan vədlər verən, cəmiyyətdə bölücülük, qarşıdurma yaratmaq üçün ən çirkin vasitlərə əl atan, daim milli və dövlət maraqlarına zidd bəyanatlarla çıxış edən Ə.Kərimli, C.Həsənli kimi avantürist və siyasi kələkbazlara, eləcə də xarici ölkələrdəki məlum “siyasi mühacir” sürüsünə heç kim inanmır və inanmayacaq da. Çünki bu xəyanətkarların erməni lobbisinə yaxın təşkilatlarla birgə fəaliyyət göstərdiklərini ictimaiyyəmiz çoxdan bilir. Məhz buna görə də bu antimilli ünsürlərə və xaricdəki satqınlara qarşı çox prinsipial və barışmaz mövqe nümayiş etdirir.
Zahid Rza, “İki sahil”
