Bu gün Misli Premyer Liqasında 17-ci tura yekun vurulub.
Son oyun günündə bir görüş keçirilib. “Qarabağ” öz meydanında “Sumqayıt”ı qəbul edib və 5 cavabsız qolla qalib gəlib.
Ağdam təmsilçisi bu qələbə ilə xallarını 41-ə çatdıraraq liderliyini yenidən bərpa edib. Qurban Qurbanovun komandasının ehtiyatında daha bir oyunu var.
Bu komandaların 1-ci dövrədəki oyunda “Qarabağ” 1:0 hesablı qələbə qazanıb.
Əlavə edək ki, bu, “Qarabağ”ın sabiq futbolçusu Vaqif Cavadovun “Sumqayıt”ın baş məşqçisi qismində Ağdam klubuna və onun çalışdıcırısı Qurban Qurbanova qarşı ilk oyunu olub.
16 dekabr (bazar ertəsi)
19:00. “Qarabağ”– “Sumqayıt” – 5:0
Qollar: Musa Qurbanlı, 7, 33, Nəriman Axundzadə, 45+1, Redon Cica, 75, Toral Bayramov, 90+1
Hakimlər: Tural Qurbanov, Rəhman İmami, Asiman Əzizli, Əkbər Əhmədov
VAR: Kamal Umudlu
AVAR: Cəmil Quliyev
Tofiq Bəhramov adına Respublika Stadionu
14 dekabr (şənbə)
“Şamaxı” – “Səbail” – 0:0
“Araz-Naxçıvan” – “Sabah” – 0:1
15 dekabr (bazar)
“Zirə” – “Turan Tovuz” – 0:0
“Neftçi” –“ Kəpəz” – 2:1
Bombardirlər:
Felipe Santos (“Araz-Naxçıvan”) – 8 qol
Coy Lens Mikels (“Sabah”) – 8 qol
Davit Volkov (“Zirə”) – 7 qol//QOL.az
