Rusiyalı həkim, endokrinoloq Mariya Kaloşina səhər yeməyindən imtinanın təhlükələri barədə xəbərdarlıq edib.
O bu barədə “RİA Novosti”yə müsahibəsində danışıb.
Həkimin sözlərinə görə, hətta aktiv arıqlama dövründə belə səhər yeməyini gözardı etmək olmaz, çünki bu, nahar zamanı normadan artıq yemək riskini yaradır.
“Səhər yeməyinin kalori miqdarı ümumi rasionun təxminən 35 faizini təşkil etməlidir”, – deyə mütəxəssis qeyd edib.
Bundan əlavə, Mariya Kaloşina qeyd edib ki, arıqlama zamanı aclıq və susuzluq arasındakı fərqi hiss etməyi öyrənmək vacibdir.
“Statistikaya görə, yemək istəyənlərin 80 faizi əslində susuzluq hiss edir” , – deyə həkim vurğulayıb.
Öz hisslərinizi yoxlamaq üçün 200 millilitr su içmək və bir müddət sonra vəziyyətinizi təhlil etmək tövsiyə olunur./oxu.az
