Səhər yeməyi çox vaxt tələsik atışdırmaqla əvəz olunur. Lakin yeni bir araşdırma müəyyən edib ki, səhər yeməyinə vaxt ayırmaq qadınların sağlamlığı üçün faydalıdır.
Alimlər müəyyən ediblər ki, müntəzəm olaraq səhər yeməyi yeyən qadınların əl tutuşu belə onu atladanlara nisbətən daha güclüdür. Ancaq eyni fayda, bəlkə də hormonal fərqlərə görə kişilərə aid deyil.
Tədqiqat göstərir ki, səhər yeməyi yemək bədəndə bir gecədə əmələ gələn və əzələ gücünə təsir edən iltihabı azalda bilər.
Bir çox səhər yeməyi qidalarında olan D vitamini, kalsium və maqnezium da orqanizmə kömək edə bilər.
Çinin Çongqinq şəhərindəki Cənub-Qərb Universitetinin tədqiqatçıları deyirlər ki, səhər yeməyi vərdişləri əzələ gücünün azalmasının qarşısını almaqda ictimai sağlamlığa əhəmiyyətli təsir göstərir.
Onlar gücü ölçən dinamometrdən istifadə edərək 83 yaşına qədər 25 819 könüllü kişi və qadının məlumatlarını təhlil ediblər.
Onlar aşkar ediblər ki, insanların üçdə biri müntəzəm səhər yeməyi yemir.
Əvvəlki araşdırmalar göstərmişdi ki, müntəzəm olaraq səhər yeməyini atlayanlarda xroniki iltihab daha yüksəkdir.
Sitokinlər adlanan iltihablı birləşmələrin artması əzələ ölçüsündə və gücündə azalma ilə əlaqələndirilir.
“Frontiers in Psychology” jurnalında aparılan araşdırmada deyilir ki, səhər yeməyini bir vərdiş olaraq atmaq əzələ gücünə zərərli təsir göstərə bilər.
Jurnalda bildirilir ki, araşdırmalar 2-ci tip diabet kimi əlaqəli xəstəliklərin daha çox yayılması ilə dünyada əzələ gücünün azaldığını bir daha sübut edib.
Nubar Süleymanova, “İki sahil”
