“Uşaq vaxtı düyünü çox sevirdim. Ən çox sevdiyim yemək aş və dovğa idi. Son 4-5 ildə artıq düyünün dadını itirdim və gözümdən düşməyə başladı. Heç düyü iyi də gəlmirdi artıq”.
ARANTV.AZ xəbər verir ki, bu sözləri aparıcı və aktyor Elcan Rəsulov sosial şəbəkə hesabında yazıb.
Elcan marketlərdə satılan düyünün plastikdən hazırlandığını iddia edib:
“Evdən-eşikdən uzaq, o gün Masallıda bir yas yerinə getmişdim. Yasda əsl düyüdən plov verirdilər. Yedim köhnə illərdəki düyünün dadı qayıtdı. 5-6 nəfərlə artıq bu barədədanışmışam, deyirlər marketlərdəki düyülər plastikdən hazırlanır, ay nə bilim sellofan qarışığı olur. Əgər belədirsə, bu, ciddi ittihamdır.
Bəs AQTA niyə bizim qidamızın təhlükəsizliyini qorumur o zaman? Ola bilər orada çalışanlar da əsl düyünün dadını bilmir. Müqayisə üçün bir az gətirib idarədə saxlasınlar, sonra hamısını yoxlasınlar, görək bu, nə oyunlardır başımıza açırlar”.
