Tarixən ermənilər həmişə kürd terror təşkilatı ilə qol-qola, çiyin-çiyinə olub; İki dövlətin ortaq düşməni-PKK
Yola saldığımız həftənin ən mühüm hadisələrindən biri də qardaş Türkiyədə oldu. Söhbət terrorçubaşı Abdullah Öcalanın PKK üzvlərinğ silahı buraxmaqla bağlı müracitindən gedir. İndi Türkiyə bu çağırışa əməl edərək PKK-nın tör-töküntülərinin silahlarını yerə qoymalarını, səhra komandirlərindən strukturlarını buraxıldığını elan etmələrini gözləyir. Ötən gün Türkiyə prezidenti Rəcəb Tayyib Ərdoğan xəbərdarlıq edib ki, sözlərinin üstündə durmasalar, son terrorçu məhv olunana qədər antiterror əməliyyatları davam edəcək. “Hədəfimizə çatmağımıza kimsə mane ola bilməyəcək, dəmir yumruq həmişə hazırdır” deyib.
Türkiyənin ərazi bütövlüyünə qarşı olan terror təşkilatının 1999-cu ildə İmralıda saxlanılan PKK lideri Abdullah Öcalan müraciətinə qulaq verib silahı buraxarlarsa, bu təkcə qardaş ölkədə deyil, bütün regiona təsir etmək yolunda ilk addım ola bilər. Amma prosesin rəvan keçməyəcəyi artıq indidən görünməkdədir. Suriyada Əsəd rejiminin çökməsi bu ölkədə PKK və onun yandaş terror qruplarının silahsızlaşdırılması üçün tarixi fürsət yaransa da (Öcalan məlum müraciətində Suriyanın adını çəkməyib) kürd silahlıları tərksilah olmaq istəmədiyi deyilir. Bunu Suriyanın şimal-şərqindəki “mövcud təhlükələr”, Türkiyənin dəstəklədiyi Suriya Milli Ordusuna görə “silahı yerə qoymaq variantların mümkün olmadığını” bəyan ediblər.
Öcalanın mesajının əsasən Şimali İraq dağlarında-Qəndildə yerləşən PKK-nın hərbi qanadının liderləri tərəfindən necə qarşılanacağıdır. Ərazi bir neçə ildir ki, Türkiyə Hərbi Hava Qüvvələrinin hədəfindədir və kürd terrorçuları ağır itkilərə məruz qalır.
Xüsusilə rusiyalı ekspertlər PKK liderinin çağırışının əhəmiyyətinə ya azaltmağa, ya da Ankaranın “daxili məqsədləri” ilə əlaqələndirməyə çalışırlar. İddia olunur ki, hakim Ədakət və İnkişaf Partiyası yeni konstitusiya üzərində işləyir bunun üçün PKK-dan istifadə edir, Öcalan da özünü və terror təşkilatının tam məhv edilməsinin qarşısını almaq səbəbindən barışıq çağırışı edib. Hətta iddialar var ki, bu müraciət PKK daxilində silahlı qanadları parçalaya, daha radikal birləşmələrin ortaya çıxmasına, həmçinin bəzi silahlıların digər kürd silahlı qruplaşmalarına, o cümlədən İrana yerləşməsinə gətirib çıxara bilər.
Yeri gəlmişkən, İraq Kürdüstanının paytaxtı Ərbil Öcalanın çağırışını müsbət qarşılayıb.
“Bu, müsbət addımdır və ümid edirik ki, silahı yerə qoyma və PKK-nı dağıtma çağırışı kürd xalqına sülh və firavanlıq gətirəcək. Biz hesab edirik ki, silahlardan imtina etmək və sivil və siyasi proseslərdə iştirak etmək müsbət addımdır” bəyanatı verib.
Yada salaq ki, Ərdoğan hökuməti ilə PKK arasında 2013-cü ildə imzalanan sonuncu sülh razılaşması ölkə daxilində coşğu ilə qarşılansa da, iki ildən sonra döyüşlər yenidən başlayıb.
Danışıqlardan xəbəri olan mənbələr Vaşinqtonda yerləşən “Al-Monitor” PKK ilə mümkün razılaşmalar haqda ilginc iddialara yer verib. Məsələn, Ankaranın bu müraciət müqabilində Öcalanın həbs müddətinin dəyişdirilməsini, hətta tərksilah prosesinə rəhbərlik edə bilməsi üçün azad edilməsini, müxalif deputat Səlahəddin Dəmirtaş da daxil olmaqla tanınmış kürd siyasətçilərin, eləcə də terror hücumlarda əli olmayan PKK üzvlərinin azad ediləcəyi haqda yazır. O da bildirilir ki, razılaşmaya görə, 2017-ci ildə İraq Kürdüstanında oğurlanan Milli Kəşfiyyat Təşkilatının (MİT) iki əməkdaşını azad edilə bilər.
Azərbaycan PKK-nı da, Öcalanı da həmişə Türkiyənin və türkün düşmən sayıb. Çünki tarixən erməni terrorçuları həmişə PKK ilə qol-qola, çiyin-çiyinə olub. Həm də təkcə Suriyada deyil, Qarabağdakı işğal illərində bu terror dəstələri bir-birlərinə daima dəstək veriblər, PKK erməni terrorçulara təlimlər keçib, 44 günlük savaşda da ermənilər tərəfindən döyüşlərdə iştirak faktları olub.
Bu ağır prosesin Türkiyə üçün uğurlu olmasını təmənnə edirik, qardaş ölkə Ərdoğanın da vəd etdiyi kimi düşmənə heç vaxt aman verməz. Qərb dünyası da Azərbaycan xalqının başına olmazın müsibətlər gətirmiş, hazırda Bakıda mühakimə olanan erməni terrorçularının cəzalandırmasına əngəl ola bilməyəcəklər.
Nazim SABİROĞLU
