Bölgələrdə ot bahalaşıb. İsmayıllıdan olan fermerlər bildirirlər ki, ötən ilin eyni dövrü ilə müqayisədə ot bağlamalarının qiymətində 2 manata qədər artım var.
Bəs ot bağlamalarının qiymət artımı ətin bahalaşmasına səbəb ola bilər?
ARANTV.AZ xəbər verir ki, milli.az-a istinadən xəbər verir ki, heyvandarlıqla məşğul olan sakinlərin sözlərinə görə, əvvəl otun paçkasını 5 manata alırdılarsa, indi 6-7 manata, əvvəl yemi 3 manata, indi isə 3.50-3.80 qəpiyə ala bilirlər.
“Hər şey çətinləşib. Məhsulların qiyməti qalxandan sonra ətin də qiymətinin artması məcburdur. Örüş yerləri də yoxdur. Heyvanı meşəyə ötürsək canavar yeyir, qalan yerlərin əksəriyyəti isə qoruqdur”.
Sakinlər bildirirlər ki, bu çətin şəraitdə heyvan saxlamaq onlara sərf eləmir.
“Ətin kilosu gərək 40-50 manat olsun ki, bizə sərf eləsin. Çünki indi həm heyvanlar nədənsə tez ölür, həm də saxlamaq çətindir”.
Ekspertlər bildirirlər ki, hazırda bir çox bölgələrdə eyni vəziyyət yaşanır. Ətlik heyvan saxlamaq sahibkarlara baha başa gəlir. Nəticədə ət və digər heyvandarlıq məhsulların qiyməti artır.
