Bakıda fantastik qiymətə malikanə satılır – FOTOlar

Bakının prestijli Bilgəh qəsəbəsində yerləşən 12 otaqlı lüks yaşayış evi 12 milyon manata satışa çıxarılıb.

Milli.Az xəbər verir ki, bu barədə elan saytlarının birində məlumat yerləşdirilib.

12 otaqdan ibarət evin ümumi sahəsi 1600 kvadrat metrdir və bu möhtəşəm yaşayış evi 100 sot genişliyində torpaq sahəsində inşa olunub.

Qeyd edək ki, bu tip dəbdəbəli və bahalı daşınmaz əmlak bazarında, istər şəxsi yaşayış, istərsə də investisiya məqsədli alıcılar üçün unikal bir fürsət təklif edilir. Satış qiymətinin 12 milyon manat olduğu bu villa, ölkə daxilində və xaricindəki yüksək gəlirli şəxslər tərəfindən maraqla izlənilir.

Yaşayış evinin təklif etdiyi imtiyazlar, həyat keyfiyyətini yüksəltmək və müasir dünyanın bütün tələblərinə uyğun yaşamaq istəyənlər üçün ideal şərait yaradır.