Papa Fransiskin həyatını xilas etmək üçün tibb işçilərinin edə biləcəyi heç nə yox idi.
Papa Fransiskin aprelin 21-i səhər ölümü gözlənilməz insult nəticəsində sürətlə gəlib. Papa həddindən artıq əzab çəkməyib.
“Reuters” agentliyi xəbər verir ki, bunu həmin gün zəngə cavab olaraq Vatikana gələn Roma xəstəxanasının həkimi Serxio Alfieri deyib.
Onun sözlərinə görə, Papa Fransiskin həyatını xilas etmək üçün ixtisaslaşmış tibb işçilərinin edə biləcəyi heç nə olmayıb.
Papanın həyatının son dəqiqələri
“Otağına daxil oldum və onun (Papa Fransisk-red.) gözləri açıq idi. Nəfəs almasında heç bir problem olmadığını gördüm. Sonra adını çəkməyə çalışdım, amma cavab vermədi. O an anladım ki, başqa bir şey yoxdur. “O, komada idi”, – həkim “Corriere della Sera” qəzetinə bildirib.
“La Repubblica”ya müsahibəsində Alfieri deyib ki, Papanın yanında olan bəzi rəsmi şəxslər onu dərhal xəstəxanaya aparmağı təklif ediblər. Ancaq həkim bunun faydasız olacağına inanır.
“O, yolda öləcəkdi. Kompüter terapiyası ilə daha dəqiq diaqnoz qoyacaqdıq, amma bundan başqa heç nə etmək mümkün deyildi”. /Lent.az
