Ədviyyatlı yeməklər bir çox insan üçün vazkeçilməzdir. Lakin belə qidaların həddindən artıq istehlakı sağlamlığa zərər verə bilər. Mütəxəssislər ədviyyatlı yeməklərin bilinməyən tərəflərinə diqqət çəkirlər.
Acının bilinməyən tərəfləri bunlardır:
Acı bibərin tərkibindəki əsas maddə kapsaisin adlanır. Acı bibər yedikdə kapsaisin ağız və həzm sistemindəki müəyyən ağrı reseptorlarına bağlanaraq onları aktivləşdirir. Bu aktivləşmə beyinə yanma və temperatur artımı siqnalları göndərir, nəticədə bədən özünü soyutmağa çalışır. Tərləmə, göz yaşarması və burun axması bu təbii reaksiyalardan biridir.
Əsasən bu hisslərə səbəb olsa da, kapsaisin bədənə tamamilə zərərsizdir. Əksinə, bəzi hallarda sağlamlığa faydalar da təqdim edir.
Antioksidan gücü ilə qoruyucu təsir
Kapsaisinin ən mühüm faydalarından biri onun antioksidan xüsusiyyətlərə malik olmasıdır. Antioksidanlar sərbəst radikalların təsirini neytrallaşdıraraq hüceyrə və DNT zədələnməsinin qarşısını alır. Sərbəst radikallar isə həm bədənin öz təbii prosesləri, həm də çirklənmə, siqaret və alkoqol kimi xarici təsirlər nəticəsində yaranır. Orqanizmdə sərbəst radikalların çoxalması xroniki xəstəliklərə səbəb ola bilər. Kapsaisin bu təhlükənin qarşısını almağa kömək edən güclü bir qoruyucu kimi fəaliyyət göstərir./Milli.Az
