May ayında dünyanın ən bahalı mallarının hansılar olduğu açıqlanıb.
ARANTV.AZ xəbər verir ki, “RIA Novosti” bu barədə ICE Futures, CME Group və Şanxay Metal Birjasının məlumatlarına istinadən bildirib.
May ayının nəticələrinə görə, investorlar üçün ən sərfəli mallar kakao paxlası və platin olub.
Şokolad istehsalında istifadə edilən kakaonun qiyməti bir ayda 11% bahalaşıb.
Digər məhsullar arasında portağal şirəsi yer alır. Bu məhsul ən nəzərəçarpacaq dərəcədə bahalaşıb – demək olar ki, 8%. Həmçinin düyü və yulaf – 2,9% bahalaşıb.
Metallar arasında platin 9,2% bahalaşaraq ən yüksək artım göstərib. Qalay (+5,2%) və mis (+3,1%) də bahalaşıb. Qızılda yalnız 2,9% bahalaşma olub.
Enerji sektorunda ən çox kömürün qiyməti artıb – 8,2%. Avropada qaz 5,5%, uran isə 5,4% bahalaşıb.
