Avropa Rusiyanı “ustufca soymağa” davam edir: Kreml neftini indi 15% ucuzuna satmağa məcburdur
Reuters-in xəbərinə görə, Avropa İttifaqı Rusiyanın neftindən gələn pulları daha da “çəkmək” üçün yeni plan qurub. Artıq Moskvanın qara qızılı üçün müəyyən edilən qiymət tavanı dünya bazarındakı son üç ayın orta qiymətindən 15% aşağı olacaq.
Musavat.com -a görə, bir sözlə, Putin nefti ucuzuna satmağa məcbur olacaq — həm də öz istəyi ilə yox, Avropanın göstərişi ilə. İndiki hesabla, bu qiymət tavanı cəmi 47 dollar/barrel təşkil edir. Yəni Rusiya büdcəsi üçün daha bir “qanaxma nöqtəsi”.
Üstəlik, Brüssel bu qiymət həddini hər altı aydan bir yenidən aşağı çəkə biləcəyini də rəsmiləşdirib. Yəni deyirlər ki, “ayı”nın qulağından tutmuşuq, vaxtı gələndə daha bərk çəkəcəyik.
Əslində, bu qərar Qərbin çoxdan planlaşdırdığı ssenaridir: Ukraynaya təcavüzün hesabını Kreml neftlə ödəyəcək, özü də istədiyi qiymətə yox, diktə olunana. Moskva istəsə də, istəməsə də, Avropa qaz və neft asılılığını sistemli şəkildə yoxa çıxarır və Putinin maliyyə arteriyalarını sıxır.
