Azərbaycan tərəfindən Ukraynaya silah tədarükünə qoyulan embarqonun mümkün ləğvi münaqişənin həllinə kömək etməyəcək, əksinə, vəziyyəti daha da pisləşdirəcək.
Bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Fadeyev bildirib.
“Azərbaycanlı tərəfdaşlarımız Kiyevdəki neonasist rejiminə silahlar və ya ikili təyinatı olan humanitar yardımın tədarükü ilə bağlı mövqeyimizi yaxşı bilirlər. İnanırıq ki, bu cür hərəkətlər münaqişənin həllinə kömək etməyəcək və əksinə, vəziyyəti daha da pisləşdirəcək”, – Fadeyev vurğulayıb.
Onun sözlərinə görə, Rusiya Xarici İşlər Onun sözlərinə görə, Rusiya XİN Nazirliyi Azərbaycan mətbuatında bu ölkədəki Azərbaycanın enerji obyektlərinə zərbələr endiriləcəyi təqdirdə Bakının Ukraynaya silah tədarükünə icazə verə biləcəyi ilə bağlı xəbərlərə “diqqət yetirib”.
Xatırladaq ki, bu gün Sumqayıt Texnologiyalar Parkının ərazisindən Azərbaycandan Ukraynaya humanitar yardım məqsədli elektrik hava xətləri avadanlıqlarından ibarət yükün ilk hissəsi yola salınıb.
Humanitar yüka ümumilikdə 90 kilometr elektrik kabeli və materiallar, eyni zamanda 25 ədəd generator və 7 ədəd dəstək transformatoru daxildir. Avadanlıqların göndərilməsində məqsəd, Ukraynada davam edən müharibədən zərər çəkmiş ərazilərin elektrik enerjisi ilə təchizatının bərpasına dəstək göstərməkdir.
10 yük avtomobilindən ibarət ilk karvanının təxminən 2 həftə ərzində Ukraynaya çatması gözlənilir.”
Ukrayna tərəfinin müraciəti əsasında təşkil olunan və ümumi dəyəri 2 milyon ABŞ dolları həcmində olan avadanlıqların növbəti hissəsi isə yaxın günlərdə əlavə 9 yük avtomobili ilə göndəriləcək.
Bundan əvvəl də Azərbaycan tərəfi elektrik təchizatı ilə bağlı Ukraynaya humanitar yardım göndərmişdir. Belə ki, 2023-cü ildə və 2025-ci ilin fevral ayında imzalanmış müvafiq sərəncamlar çərçivəsində müvafiq olaraq 7 milyon, 16 milyon və 1 milyon ABŞ dolları məbləğində maliyyə ayrılmışdı. Müharibə ilə əlaqədar olaraq Azərbaycan tərəfindən Ukraynaya göstərilmiş ümumi humanitar yardımın həcmi 44 milyon ABŞ dollarını ötüb.//Yenisabah.az
