Gürcüstanda Rusiya və Azərbaycan vətəndaşları narkotik vasitələrin qanunsuz idxalına görə həbs edilib
Gürcüstan Daxili İşlər Nazirliyinin əməkdaşları Rusiya və Azərbaycan vətəndaşlarını külli miqdarda narkotik vasitələrin qanunsuz idxalı və satışı ittihamı ilə həbs ediblər.
Saxlanılan Rusiya vətəndaşı 41 yaşlı A. T., Azərbaycan vətəndaşı isə 22 yaşlı K. M.-dir.
“Xüsusilə külli miqdarda narkotik vasitələrin qanunsuz əldə edilməsi və saxlanması, satışının asanlaşdırılması və Gürcüstana qanunsuz gətirilməsi ilə bağlı istintaq davam etdirilir. Saxlanılanları 20 ilədək və ya ömürlük həbs gözləyir”, – məlumatda bildirilir./Milli.az/
