Qardaş Türkiyənin iki nəhəng futbol klubu – “Fənərbağça” və “Beşiktaş”, eləcə də ölkənin aparıcı media qurumlarından biri olan TRT Azərbaycanın Müstəqilliyinin Bərpası Günü münasibətilə sosial şəbəkələrdə səmimi təbrik paylaşımları ediblər.
Musavat.com xəbər verir ki, paylaşımlar “Facebook” üzərindən yayımlanıb və qardaş ölkə Azərbaycan xalqına isti, qəlbdən gələn mesajlarla ünvanlanıb.
Hər üç qurum Azərbaycanın müstəqilliyini, azadlığını və dövlətçiliyini tərənnüm edən sözlərlə çıxış edib.
Bu jest bir daha göstərir ki, Türkiyə və Azərbaycan yalnız siyasi və iqtisadi deyil, həm də mənəvi qardaşlıq telləri ilə sıx bağlıdır. İki xalq arasında dostluq və birliyə əsaslanan bu münasibət bütün dünyaya örnəkdir.
