Qışda paltar qurutmaq çətinləşdiyindən bir çoxları isti radiator üzərinə yaş paltar qoymağı üstün tutur. Lakin ekspertlər xəbərdarlıq edir ki, bu, otaqda rütubətin kəskin artmasına səbəb olur.
Bu vərdiş təkcə kifin yaranmasına şərait yaratmır, həm də qripə bənzər simptomlar yarada bilər.
Ekspertin sözlərinə görə, radiator üzərində paltar qurudulanda hava dövranı bloklanır və otaqda nəm toplanır. Nəm hava ilə hərəkət edərək soyuyan səthlərdə çökür və kif üçün ideal mühit yaradır. Paltarlardan buxarlanan suyun miqdarı hətta litr ölçüsündə ola bilər.
Rütubət özü yox olmur, o, kifə çevrilir. Bu isə burun axması, göz və dəridə qıcıqlanma, yorğunluq kimi simptomlara səbəb ola bilər. Belə hallarda bəzi insanlarda tənəffüs yollarını zədələyən aspergilloz göbələyinin gizli infeksiyası ola bilər və insanlar bunu fərq etmədən yaşayırlar.
Qışda paltarları açıq havada quruda bilməmək bu prosesi daha çətin edir. Ekspertlər rütubətin qarşısını almaq üçün otaqları havalandırmağı və radiator üzərində paltar asılacağı halda bunu pəncərə altında etməyi məsləhət görür, bu, kif riskini azaldır.
Ekspertlər başqa bir effektiv həll yolu kimi hava dövranı üçün istifadə edilən çıxarıcı ventilyatorlardan yararlanmağı da təklif edir. Onlar adətən mətbəx və hamamlarda quraşdırılır, lakin mütəxəssis vasitəsilə istənilən otaqda da yerləşdirilə bilər.//Lent.az
