Xocalıda minaya düşən ANAMA əməkdaşının vəziyyəti açıqlanıb.
Bu barədə Musavat.com-a Xankəndi Şəhər Mərkəzi Xəstəxanasının və Bərdə Rayon Mərkəzi Xəstəxanasından məlumat verilib.
“18 fevral saat 10:30 radələrində Xocalı rayonu Muxtar kəndi ərazisində baş verən mina partlayışı səbəbilə xəsarət alan 2000-ci il təvəllüdlü kişi Xankəndi Şəhər Mərkəzi Xəstəxanasına hospitalizasiya olunub. Pasiyent ixtiaslı tibbi yardım göstərilməsi üçün Bərdə Rayon Mərkəzi Xəstəxanasına təxliyə olunub. Ona bədənin müxtəlif nahiyələrinin qəlpə yarası diaqnozu təyin olunub və zəruri tibbi yardım göstərilib.
Vəziyyəti orta ağır qiymətləndirilən şəxsin müalicəsi müvafiq şöbədə davam etdirilir”,-məlumatda qeyd olunub.
Qeyd edək ki, bu gün işğaldan azad edilmiş Xocalı rayonu Muxtar kəndi ərazisində mina partlayıb. Hadisə nəticəsində Azərbaycan Minatəmizləmə Agentliyinin (ANAMA) əməkdaşı 26 yaşlı Vasif Fizuli oğlu Çobanov xəsarət alıb.
