Category: Bölgə

  Astara rayonunun Şiyəkəran kənd sakini Zəbiəli Əliyev şəxsi təsərrüfatında Özbəkistandan gətirilmiş yeni limon növü yetişdirir. AZƏRTAC-ın bölgə müxbiri xəbər verir ki, bu limon növünü Z.Əliyev calaq üsulu ilə çoxaldıb. Yeni limon növünün meyvələrinin qabığı qalın olduğu üçün şaxtaya daha davamlıdır, ağacı isə yerli iqlimə uyğundur. Bu limon digərləri ilə müqayisədə, tərkibinə görə C vitamini ilə daha zəngindir. Buna görə də Zəbiəli Əliyev növbəti illərdə təsərrüfatında yeni limon növünü daha da artırmağı və satışını təşkil etməyi planlaşdırır: “Özbəkistanda əsgər yoldaşım var. 1994-cü ildə onlara qonaq getmişdim. Özbək dostum mənə onun…

İsmayıllı rayonunun dağ kəndlərinə mövsümün ilk qarı yağıb. ARANTV.AZ xəbər verir ki, qarın yağması rayonda özünəməxsus gözəllik yaradıb. Ağ örpəyə bürünən meşələrin qarlı mənzərəsi də göz oxşayır. İsmayıllıdan ilk qar fotolarını təqdim edirik:  

Heyvandarlıqda kökəltmə xüsusilə diqqət yetirilməsi sahələrdən biridir. İndi kökəltmə məntəqələri olmasa da, bəzi fermerlər şəxsi təsərrüfatlarında bu işlə məşğul olurlar. Gəlirli sahə olduğu kimi, bir sıra problemləri və diqqət yetirilməli məqamları da var. Ümumiyyətlə, mal-qara kəsimə getdikdə onun çəkisi və əti lazımi səviyyədə olmalıdır. Buna görə də bir heyvanın bəslənərək kəsimə hazır olması bəzən aylar çəkir. Bu müddət ərzində isə müəyyən yemlərdən istifadə edilir. Bir sözlə xeyli xərc tələb olunur. ARANTV.AZ xəbər verir ki, hələ sovet dövründə ölkəmizin hər yerində kökəltmə məntəqələri fəaliyyət göstərib və bu dövlət təsərrüfatlarında əsasən iribuynuzlu…

Qar yağanda Qubadakı Qəçrəş meşələri göz oxşayır. Yayda olduğu kimi, qarlı-şaxtalı qışda da Qəçrəşdə yerli və xarici turistlərə rast gəlmək olur. İstirahət üçün Qəçrəş meşələrinə üz tutan turistlər əsrarəngiz qış mənzərələrini seyr etməklə yanaşı, buradakı otel və restoranların xidmətlərindən də istifadə edirlər. Yerli sakinlər tərəfindən turistlərə atla gəzinti və dadlı göy qutabı da təklif edilir. Quba–Xınalıq turizm marşrutu üzərində ən çox istirahət mərkəzləri də məhz Qəçrəş kəndi ərazisindədir. Qubaya istirahətə gələnlər nəzərə almalıdırlar ki, qarın yağması ilə əlaqədar şimal bölgəsinin dağlıq ərazilərinə gedən yollarda avtomobillərin hərəkəti çətinləşib. Təcrübəsiz və əraziyə…

Ölkə ərazisində faktiki hava açıqlanıb. Bununla bağlı Ekologiya və Təbii Sərvətlər Nazirliyinin Milli Hidrometeorologiya Xidməti məlumat yayıb. Dekabrın 18-i saat 09:00-a olan məlumatına əsasən, ölkə ərazisində yağıntılı hava şəraiti davam edib, bəzi yerlərdə qar yağıb, gecə və səhər saatlarında Abşeron yarımadasının bəzi yerlərində yağış sulu qara keçib. Əsən güclü şimal-qərb küləyi səhər saatlarından 8-13 m/s-dək zəifləyib. Qar örtüyünün hündürlüyü Şahdağda 16 sm, Daşkəsəndə 15 sm, Şəkidə 14 sm, Əlibəydə (Zaqatala) 13 sm, Ordubadda 11 sm, Sarıbaş (Qax), Gədəbəydə 10 sm, Qrızda 8 sm, Yardımlıda 7 sm, Xaltan, Şamaxı, Lerikdə 4…

Biləsuvarda kənd təsərrüfatı bitkiləri sırasında rayon üçün ənənəvi olmayan qırmızı süfrə çuğundurunun istehsalına başlanılıb. Bu mövsüm təkrar əkin olaraq ayrı-ayrı təsərrüfatlarda təxminən 10 hektara yaxın sahədə məhsul yetişdirilib. İstehsalçıların sözlərinə görə, sözügedən bitki münbit torpaqlarda daha asan və sağlam inkişaf edə bilir. Bu səbəbdən çuğundur toxumunu səpərkən ərazi və torpağın xüsusiyyətləri nəzərə alınır. ARANTV.AZ xəbər verir ki, son illər fermer təsərrüfatlarında təkrar əkinlərə maraq artıb. Belə fermerlərdən biri də Kəlbi Əhmədovdur. O, ikinci əkin kimi seleksiya yolu ilə əldə edilmiş Hollandiya sortu olan “Bordo” qırmızı çuğundur sortu əkib və hazırda…