Category: İdman

AFFA Yüksək Qızlar Liqasının II turunda keçirilən “Neftçi” – “Liman” oyunu qalmaqalla yadda qalıb. ARANTV.AZ  qafqazinfo-ya istinadən xəbər verir ki, “Palms Sport Arena”da baş tutan qarşılaşmanın 12-ci dəqiqəsində “Neftçi”nin və Azərbaycan milli komandasının üzvü Coşqunə Əliyeva rəqib futbolçu Mələk Hacıyevaya yumruq zərbəsi endirib. Hadisədən sonra baş hakim C. Əliyevaya birbaşa qırmızı vərəqə göstərərək onu meydandan kənarlaşdırıb. Qeyd edək ki, qarşılaşma “Neftçi”nin 2:0 hesablı qələbəsi ilə yekunlaşıb.

Read More

Azərbaycan III MDB Oyunlarının medal sıralamasında ikinci pillədəki yerini qoruyub. “Report” yarışın rəsmi saytına istinadən xəbər verir ki, ölkənin aktivində hazırda 29 qızıl, 46 gümüş və 86 bürünc medal var. Siyahıya Rusiya (105 qızıl, 55 gümüş, 34 bürünc medal) başçılıq edir. Üçüncü pillədə isə Belarus (27 qızıl, 26 gümüş, 48 bürünc) qərarlaşıb. İndiyə qədər 10 ölkə təmsilçiləri medal qazanıblar. Qeyd edək ki, III MDB Oyunları oktyabrın 8-də başa çatacaq.

Read More

“Qarabağ” UEFA Çempionlar Liqasında 2 turdan sonra 2 qələbə ilə 6-cı pillədədir. “Köhlən atlar” turnirdə ən azı 1/16 finala yüksələ bilməsi üçün ilk 24 klubun arasında yer almalıdır. Onların bu ehtimalı açıqlanıb. Analitik ehtimallara əsasən, “Qarabağ” liqa mərhələsini 24-cü pillədə tamamlayacaq. Bunun üçün əmsal 9.66 olaraq qiymətləndirilib. Siyahıda “Qalatasaray” da var və onlar 10.11 əmsalla 21-ci pillədə ehtimal olunub. Proqnozlara əsasən, məşhur klublardan “Benfika”, “Monako”, “Olimpiakos”, “Marsel” kimi klublar isə Liqa mərhələsindən növbəti mərhələyə keçə bilməyəcək. (Offsideplus.az)

Read More

FIFA prezidenti Canni İnfantino instaqramdakı hesabında Azərbaycan və Özbəkistanın 2027-ci ildə keçiriləcək 20 yaşadək futbolçulardan ibarət milli komandalar arasında dünya çempionatının final mərhələsinə birgə ev sahibliyi edəcəyi ilə bağlı paylaşım edib. “Report” xəbər verir ki, o, paylaşımında yazıb: “FİFA Şurasının Sürixdə keçirilən bugünkü iclası dünya futbolu üçün irəliyə doğru daha bir addım atdı. FİFA Şurası Azərbaycan və Özbəkistanı 2027-ci il FIFA U-20 Dünya Çempionatının ev sahibi təyin edib və Londonu 2026-cı ildə keçiriləcək Qadınlararası Çempionlar Kubokunun ilk final mərhələsinə ev sahibliyi edəcək ölkə kimi təsdiqləyib. Bu görüşdə biz futbolun sülh…

Read More

Xəbər verdiyimiz kimi, “Qarabağ” UEFA Çempionlar Liqasında “Kopenhagen”ə 2:0 hesabı ilə qalib gəlib. “Qafaqazinfo”nun məlumatına görə, oyundan sonra “köhlən atlar” sevincini azarkeşlərlə birgə qeyd edib. Əməkdaşımız Xəyal Vəlizadənin lentə aldığı qələbə dəqiqələrini təqdim edirik:

Read More

“Qarabağ”ın futbolçuları “Kopenhagen”dən çəkinməyiblər. “Report”un məlumatına görə, bunu “Qarabağ”ın baş məşqçisi Qurban Qurbanov mətbuat konfransında deyib. Təcrübəli mütəxəssis Bakıda Danimarka təmsilçisi “Kopenhagen”ə qalib gəldikləri (2:0) UEFA Çempionlar Liqasının əsas mərhələsinin II turunun oyunu ilə bağlı fikirlərini bölüşüb: “Futbolçuları və azarkeşləri təbrik edirəm. Bu gün meydanda birlikdə idilər. Gözəl qalibiyyət əldə etdik. Oyunçular rəqibdən çəkinmədilər, mübarizə apardılar. Bu cür mübarizə aparmaq qarşıdakı matçlarda faydalı olacaq. Rəqibimizə uğurlar arzulayıram. Onlar da yaxşı görürlər. Pozitiv komandadır”.

Read More

AFFA prezidenti Rövşən Nəcəf “Qarabağ” klubunu UEFA Çempionlar Liqasının Liqa mərhələsinin II turunda Danimarkanın “Kopenhagen” klubu üzərində 2:0 hesablı qələbə qazanması münasibətilə təbrik edib. “Report” xəbər verir ki, Rövşən Nəcəf bu barədə sosial şəbəkə hesabında paylaşım edib. “UEFA Çempionlar Liqasının Liqa mərhələsinin II turunda Danimarkanın “Kopenhagen” komandası üzərində inamlı qələbə qazanan “Qarabağ” Futbol Klubu növbəti tarixi uğura imza atdı. Komandamızı ürəkdən təbrik edir, qarşıdakı oyunlarda yeni qələbələr diləyirəm”, – deyə o qeyd edib.

Read More

“Qarabağ” komandasının baş məşqçisi Qurban Qurbanov ölkə xaricindən gələn təkliflər barədə çox düşünmür. “Report”un məlumatına görə, təcrübəli mütəxssis bu barədə mətbuat konfransında bildirib. O hər dövrün yaxşı baş məşqçiləri olduğunu söyləyib: “Ölkə xaricindən gələn təkliflər barədə çox düşünmürəm. Sadəlövh olmağa çalışmalıyıq. Avropa planları başqadır. Klubların öz ideyaları var. Bu gün ağlımda belə fikir olsa, komandanın inamı, uğuru, sistemi pozulacaq. Hələlik Azərbaycanımızdayıq”. Qeyd edək ki, “Qarabağ” UEFA Çempionlar Liqasının əsas mərhələsinin II turunda Danimarka təmsilçisi “Kopenhagen”i məğlub edib – 2:0.

Read More

“Qarabağ” klubu UEFA Çempionlar Liqasının əsas mərhələsinin turnir cədvəlində altıncı pillədə qərarlaşıb. “Report”un məlumatına görə, bu, II turun oyunlarının nəticəsinə əsasən müəyyənləşib. Azərbaycan çempionu ilə yanaşı, Almaniyanın “Bavariya”, İspaniyanın “Real”, Fransanın PSJ, İtaliyanın “İnter” və İngiltərənin “Arsenal” komandasının da altı xalı var. Qeyd edək ki, II turda Bakıda Danimarkanın “Kopenhagen” kollektivini məğlub edən (2:0) “köhlən atlar” I turda Portuqaliyada “Benfika”nı 3:2 hesabı ilə üstələyib.

Read More

Bakıda “Qarabağ” və Danimarkanın “Kopenhagen” komandaları arasında təşkil olunan UEFA Çempionlar Liqasının əsas mərhələsinin II turunun oyunu başlayıb. Musavat.com-un məlumatına görə, Tofiq Bəhramov adına Respublika stadionundakı matç saat 20:45-də start götürüb. Qarşılaşmanı Niderlanddan olan FIFA referisi Serdar Gözübüyük idarə edir. Qeyd edək ki, “Qarabağ” Liqa mərhələsinin I turunda Portuqaliyada “Benfika”ya qalib gəlib – 3:2. “Kopenhagen” isə evdə Almaniyanın “Bayer 04” klubu ilə heç-heçə edib – 2:2.

Read More