Ermənistanın baş naziri Nikol Paşinyanın həyat yoldaşı Anna Akopyan Moskva səfərindən sonra indi də ABŞ-a üz tutub.
Bu barədə erməni mətbuatı yazır.
Mətbuatın yazdığına görə, A.Akopyan gecə saatlarında təyyarə ilə “Zvartnots” hava limanından “Doha”ya uçub, oradan isə Los-Ancelesə yola düşəcək. A.Akopyanı iki mühafizəçi müşayiət edib.
Bildirilir ki, A.Akopyan Moskva səfərindən qayıtdıqdan sonra yoxluğunu ört-basdır etmək üçün ölən hərbçilərin ailələri ilə foto çəkdirib, paylaşıb. Bu da cəmiyyətin diqqətini çəkib.
İnsanlar Paşinyan və Annanın paylaşımlarına münasibət bildirərək yazıblar ki, “Çox təəssüf ki, Nikol Paşinyan müharibədə ölən insanların ailələrini “massovka” kimi istifadə edir”.
