2020-ci ilin yanvar-dekabr aylarında Bakı şəhərinin ticarət dövriyyəsinin həcmi 2019-cu illə müqayisədə 0,5 faiz artaraq 23 milyard 62,2 milyon manat olub.
Bu barədə “İki sahil”ə Bakı Şəhər Statistika İdarəsindən bildirilib.
Məlumata görə, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müfaviq dövrü ilə müqayisədə 6,4 faiz artaraq 11 milyard 775,9 milyon manata, qeyri-ərzaq məhsullarının həcmi isə 4,6 faiz azalaraq 11 milyard 286,3 milyon manata bərabər olub.
Hesabat dövründə istehlak məhsullarının 29,4 faizi hüquqi şəxs statuslu müəssisələrdə, 54,2 faizi fərdi sahibkarlara məxsus ticarət obyektlərində, 16,4 faizi isə paytaxtın məhsul bazarlarında satılıb.
