“Qış-2021” təlimlərində türk hərbçilər komando andı içiblər
Qars şəhərində keçirilən “Qış təlimi-2021” birgə təlimlərdə iştirak edən Türkiyə hərbçiləri komando andı içiblər.
ARANTV.AZ bildirir ki, andiçmənin görüntülərini Türkiyə Milli Müdafiə Nazirliyi yayıb.
Qarlı dağ şəraitinə uyğun şəkildə geyinən türkiyəli hərbçilər Azərbaycan və Türkiyə bayraqlarının əks olunduğu maskalar taxıblar.
Qeyd edək ki, “Qış təlimi-2021” Türkiyə Silahlı Qüvvələrinin və Əlahiddə Ümumqoşun Ordunun bölmələrinin iştirakı ilə keçirilir. Təlimlər fevralın 12-də başa çatacaq.
