Narkotik vasitələrə yox de!
Bildiyiniz kimi müasir dünyanı narahat edən əsas problemlərdən biri də narkomaniyadır. Bu bəlaya düçar olan şəxslərin həyatları əksər hallarda faciə ilə sonlanır. Bu səbəbdən hər bir ölkə narkomaniyanın qarşısının alınması üçün çox ciddi profilaktik tədbirlər görməli, lazımi izahat işi aparmalı, narkomaniyanın cəmiyyət üçün nə qədər təhlükəli olduğunu nümayiş etdirməlidir.
ARANTV.AZ xəbər verir ki, sadalanan amillər nəzərə alınaraq Daxili İşlər Nazirliyi Baş Narkotiklərlə Mübarizə İdarəsi və Mətbuat Xidməti narkotik vasitələrin insanların həyat və sağlamlığına vurduğu zərərdən bəhs edən növbəti sosial çarx hazırlayıb.
Təqdim edilən maarifləndirici materialın cəmiyyətin müxtəlif təbəqələri arasında yayılmasına köməklik göstərdiyiniz üçün əvvəlcədən təşəkkür edirik.
