Qızının sevgilisinə aşiq olan ana qətlə yetirilib.
ARANTV.AZ Sonxeber.az-a istinadən xəbər verir ki, hadisə 2017- ci il martın 17- də Xaçmaz rayonu Şimali kəndində baş verib.
Belə ki, 1989-cu il təvəllüdlü Samir Hacaliyev tanışı Gülnaz Soltanovaya balta ilə ağır xəsarətlər yetirib. Yaralanan qadın xəstəxanaya çatdırılıb və əməliyyat olunub. Cinayəti törədən şəxs isə polisə gedərək həbs olunub. Rayon polis şəbəsinin İstintaq bölməsində ilkin olaraq Cinayət Məcəlləsini 126- cı, yəni qəsdən sağlamlığa ağır zərbə vurmaq maddəsilə cinayət işi başladılıb. Zərərçəkmiş şəxs aprelin birində vəfat edib.
Gülnar Sultanovanın ölümünə səbəb kimi beyin toxumasının əzilməsi göstərilir. İstintaqla müəyyən olunub ki, Samir tanış olduğu Yalama kənd sakini Şəfanə Feyzullayevlə evlənmək istəyib. Buna baxmayaraq, qadının anası Gülnaz Sultanova onların münasibətlərinə müdaxilə edib, onların ailə qurmalarına maneəçilik törədib. Gülnaz Sultanova özü Samirlə ailə qurmaqçün müxtəlif bəhanələrə əl atıb. Mütamadi olaraq Samirin ana- bacısına zəng edərək onu sevdiyini, qısqanclıq iradlarını kobud şəkildə bildirib. Onun və ailə üzvlərinin ünvanına nəlayıq sözlər işlədib.
Gülnaz növbəti bir dəfə Samirə zəng edərək onu söyüb. Bundan qəzəblənən Samir onu öldürmək qərarına gəlib və onu öz anası ilə görüşdürəcək bəhanəsilə evlərinə dəvət edib. Samir həyətə daxil olan baltanı Gülnazın başına vurub. Onun hərəkətsiz qaldığını görüb, öldüyünü güman edib. Daha sonra polis bölməsinə gedərək adam öldürdüyünü deyib.
